عالىمدار تاجىريبە الماستى

جىلدىڭ ەڭ ۇزدىك سپورتشىلارى انىقتالدى 19-20 ساۋىردە ەگەمەن ەلىمىزدىڭ تاريحىندا تۇڭعىش رەت ەلوردامىز استانا قالاسىندا “قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ قازاقستان حالقىنا جولداۋىن ىسكە اسىرۋ ماقساتىندا بۇقارالىق دەنە شىنىقتىرۋ مەن جوعارى جەتىستىكتەر سپورتىنىڭ تەورياسى مەن پراكتيكاسى: ۇردىستەرى, ماسەلەلەرى, بولاشاعى” اتتى حالىقارالىق عىلىمي-پراكتيكالىق كونفەرەنتسياسى ءوتتى. اتاۋلى حالىقارالىق شاراعا سپورت پەن دەنە شىنىقتىرۋ ءما­دە­نيە­تىنىڭ تەورياسى مەن پراكتيكاسى سا­لاسىنداعى بەلگىلى رەسەي ما­مان­دارى: سانكت-پەتەربۋرگتىڭ پ.لەسگافت اتىنداعى سپورت, دەنە شى­نىقتىرۋ جانە دەنساۋلىق ۋني­ۆەرسيتەتىنىڭ رەكتورى ۆ.تايمازوۆ, عىلىم دوكتورلارى مەن پرو­فەس­سور­لارى گ.ۆينوگرادوۆ, ب.تا­راكانوۆ, ا.گورەلوۆ, گ.كارناۋحوۆ, رەسەي وليم­پيادالىق كوميتەتىنىڭ قىز­مەتىن بىرلەسىپ اتقارۋ كەڭەسىنىڭ ۆيتسە-پرەزيدەنتى, پ.ع.ك., وليمپيادا چەمپيونى س.نوۆيكوۆ, بەلارۋس وليمپيادالىق اكادەمياسىنىڭ اتقارۋشى ديرەكتورى ۆ.نوۆنىكو, سلوۆەنيا رەسپۋبليكاسىنىڭ وكىلى, حالىقارالىق “DUOL” كومپانيا­سىنىڭ پرەزيدەنتى د.ولاي قاتىستى. عىلىمي-پراكتيكالىق كون­فە­رەن­تسيانىڭ باعدارلاماسىنا سايكەس قا­زاقستاندىق جانە رەسەي عا­لىم­دارى شەبەر-سىنىپ جانە پراك­تي­كالىق دارىستەر وتكىزدى, سونىمەن قاتار, تمد ەلدەرىنىڭ ماماندارى ارا­سىندا ءوزارا تاجىريبە الماسۋلار بولدى. كونفەرەنتسيانىڭ اشىلۋ سال­تا­ناتىن اشقان قازاقستان رەسپۋب­لي­كا­سىنىڭ تۋريزم جانە سپورت ۆيتسە-ءمينيسترى ت.ەرمەگياەۆ پەن ەلىمىز تۋريزم جانە سپورت مي­نيس­ترلىگىنە قا­راستى سپورت كوميتەتىنىڭ ءتو­ر­اعا­سى ە.قاناعاتوۆ ءوز سوزدەرىندە ەل­باسى نۇرسۇلتان نازارباەۆتىڭ قا­زاقستان حالقىنا جولداۋىنان تۋىندايتىن ماقساتتار مەن ءمىن­دەتتەرگە جان-جاقتى توقتالدى. وسىدان كەيىن جەتەكشى عالى­م­دار­دىڭ باياندامالارى تىڭدالدى. سانكت-پەتەربۋرگتىڭ پ. ف. لەسگافت اتىنداعى سپورت, دەنە شىنىقتىرۋ جانە دەنساۋلىق ۋنيۆەرسيتەتىنىڭ رەكتورى ۆ.تايمازوۆ “رەسەي فەدەراتسياسى مەن قازاقستان رەس­پۋب­ليكاسى عالىمدارىنىڭ ءوزارا با­يلانىستارىن جاقسارتۋ باعىت­تا­رىندا اڭگىمە قوزعاسا, بەلارۋس وليمپيادالىق اكادەمياسىنىڭ ات­قارۋشى ديرەكتورى ۆ.نوۆنىكو وليم­پيادالىق ءبىلىم بەرۋدىڭ ماڭىزدىلىعى تۋرالى ايتتى. ا.قۇلنازاروۆ كەلە جاتقان 2011 جىلى استانا مەن الماتى قا­لا­لارىندا وتەتىن 7-ءشى قىسقى ازيا ويىندارى تۋرالى, وعان دايىندىق بارىسى جايىندا ءسوز ەتتى. حالىقارالىق باسقوسۋدا سال­تا­ناتتى ماراپاتتاۋ ءراسىمى ءوتتى. ۆ.تايمازوۆ ا. قۇلنازاروۆتى ار­نا­يى وردەنمەن ماراپاتتادى. ال جىل­دىڭ ەڭ ۇزدىك سپورتشىلارى بولىپ مىنالار تانىلدى: سۆەتلانا پودوبەدوۆا (اۋىر ات­لەتيكا), ماكسيم راكوۆ (دزيۋدو), ۆلا­­ديمير سەدوۆ (اۋىر اتلەتيكا), زۋل­فيا جىن شان لو (اۋىر اتلەتيكا). ال, سپورت جۋرناليستيكاسى نو­مي­ناتسياسى بويىنشا تومەن­دەگىلەر ۇزدىك دەپ اتالدى: تەلجان كۇدەروۆ (“قازاقستان” تەلەارناسى ), گۇلستان قانات (“سپورت ايدىنى” گازەتى ), الەك­ساندر تروفيموۆ (“كتك” تەلە­ارناسى). جاندوس مەديمانوۆ.