بۇل جاڭا زياندى باعدارلامالاردان (ۆيرۋستاردان) بولاتىن قاۋىپتىڭ الدىن الۋعا باعىتتالعان. قازىرگى ۋاقىتتا tLab 113 666 فايلدى ارەكەتتىلىگى دەڭگەيىندە ءساتتى تالدادى.
TLab تەحنولوگياسى ۆيرۋس جۇقتىرعان كومپيۋتەرلەردە بۇرىننان بەلگىلى ۆيرۋستى ىزدەۋدىڭ ورنىنا, جاڭا جانە بەلگىسىز ۆيرۋستاردى انىقتاۋ جانە بۇعاتتاۋ ءۇشىن جاسالعان. ءونىم پوشتا ترافيگى فايلدارىن Mail Transfer Agent ارقىلى تەكسەرەدى.
وسىلايشا, 2020 جىلعى جەلتوقساندا زياندى باعدارلامالىق قامتاماسىز ەتۋ «ەڭبەك رەسۋرستارىن دامىتۋ ورتالىعى» اق قىزمەتكەرىنىڭ كورپوراتيۆتىك پوشتاسىنا جىبەرىلدى. زياندى وبەكت سيگناتۋرالىق دەڭگەيدە ۆيرۋسقا قارسى باعدارلامالىق قامسىزداندىرۋمەن سايكەستەندىرىلمەدى, بىراق tLab جۇيەسى مەن T&T Security ۆيرۋستىق زەرتحاناسىنىڭ (جۇيە ءوندىرۋشىسى) كومەگىمەن قاتەردى تالداۋ مەن باعالاۋدان كەيىن بۇل پايدالانۋشىنىڭ قۇپيا دەرەكتەرىن جيناۋعا باعىتتالعان تىڭشىلىق باعدارلامالىق قامسىزداندىرۋ ەكەنىن بىلۋگە مۇمكىندىك تۋدى.
سونىمەن قاتار انىقتالعان قاۋىپ «نولدىك كۇن» ساناتىنا جاتاتىنى بەلگىلى بولدى, ياعني جاسالعان كۇنى شابۋىل جاسالعان كۇنگە سايكەس كەلەدى.
