ينفراقۇرىلىم دەرەكتەرى تسيفرلانۋدا

ونداعى ماقسات – مەملەكەتتىك ورگاندار مەن كۆازيمەملەكەتتىك سەكتور قىزمەتىنىڭ اشىقتىعىن ءارى ايقىندىعىن قامتاماسىز ەتۋ. بۇعان قول جەتكىزۋگە مۇمكىندىك بەرەتىن ءتيىمدى جول – بيزنەس-پروتسەستەر مەن مەملەكەتتىك قىزمەت­تەر­دى تسيفرلاندىرۋ. بۇل رەتتە قالا قۇرىلىسى كاداسترىنىڭ قىز­مەتىن تسيفرلاندىرۋ وتە ماڭىزدى.

– ويتكەنى بارلىق جىلجى­مايتىن م ۇلىك نىساندارى، جەر ءۇستى جانە جەر استى كوم­مۋني­كا­تسيا­­لارى تۋرالى اقپا­راتتى جي­ناۋ­دىڭ، وڭدەۋدىڭ، تىر­كەۋدىڭ، ساق­تاۋدىڭ جانە ۇسى­نۋدىڭ بىرىڭعاي جۇيەسىن قام­تاماسىز ەتۋ – قالا قۇ­­رىلىسى كاداس­ترىنىڭ مىندەتى. ونى تسيفر­لاندىرۋ نىسانداردى جوبالاۋ، سالۋ، پايدالانۋ جانە كادەگە جاراتۋ پروتسەسىن موني­تورينگىلەۋگە، ءوڭىر اۋماعىندا قۇرى­لىس سالۋدى ۇتىمدى جوس­پار­لاۋعا مۇمكىندىك بەرەدى. سونداي-اق جاڭا نىسانداردى ينجەنەرلىك جەلىلەرگە قوسۋدى جوسپارلاۋدى، قولدانىستاعى كوممۋنيكاتسيالاردىڭ قۋاتىن ۇلعايتۋدى ەداۋىر جەڭىلدەتەدى ءارى قۇرىلىس جۇمىستارىن جۇر­گىزۋ كەزىندە جەلىلەردىڭ اپات­تىق جاع­دايى تومەندەيدى، – دەپ حابار­لادى يندۋستريا جانە ينفرا­قۇرىلىمدىق دامۋ مينيسترلىگى. 

بەلگىلى بولعانداي، مينيستر­لىك ينفراقۇرىلىمدىق دەرەك­تەر­­دى قالىپتاستىرۋدى 2018 جىلدان باستاپ بىرىڭعاي اۆتو­ماتتاندىرىلعان اقپاراتتىق جۇيە­دە جۇزەگە اسىرىپ كەلەدى. ەلدى مەكەندەردىڭ قۇرىلىس­تارى مەن ينجەنەرلىك كوممۋني­كاتسيالا­رىن تۇگەندەۋ ارقىلى تسيفر­لاندىرادى. تۇگەندەۋ جۇ­مىس­تارىنىڭ جۇزەگە اسىرى­لۋىنا قاراي قالا كاداسترى جۇ­يەسى سۋمەن جابدىقتاۋ، كارىز، سۋ بۇرۋ، ەلەكترمەن جابدىقتاۋ، باي­­لانىس، گازبەن جابدىقتاۋ، جى­لۋمەن جابدىقتاۋ، كوشەنى جا­رىقتاندىرۋ، جول قوزعالىسىن ۇيىم­داستىرۋ جەلىلەرى جانە باسقا دا نىساندار بويىنشا تسيفرلى دە­رەكتەرمەن تولتىرىلادى.

– بۇگىندە تسيفرلى مالىمەت­تەردىڭ شامامەن 48 پايىزى (244،5 مىڭ گەكتار) قالالىق كاداستردىڭ دەرەكتەر بازاسىنا ەنگىزىلدى. تسيفر­لاندىرىلعان اۋماق دەرەك­تەرىنىڭ 10 پايىزىن (54 مىڭ گەك­تار) جاقىن ارادا جەرگىلىكتى ات­قارۋشى ورگاندار ۇسىناتىن بو­لادى. اۋماقتىڭ قالعان 42 پايىزىن (234 مىڭ گەكتار نەمەسە 172 ەلدى مەكەن) 2025 جىل­عا دەيىن «نۇرلى جەر» مەم­لەكەتتىك باع­دارلاماسى اياسىندا تسيفر­لاندىرۋ جوسپارلانعان، – دەلىن­گەن مينيستر­لىكتىڭ حابارلاماسىندا.

ينفراقۇرىلىمدىق دەرەك­تەر­دىڭ بارلىعى مەملە­كەت­­تىك قا­لا قۇرىلىسى كاداسترى­نىڭ اشىق كونتۋرىنا – بىرىڭ­عاي گەو­اقپاراتتىق ينفراقۇ­رى­لىم­دىق دەرەكتەر پلاتفورماسىنا ەن­گىزىلەدى. اتالعان پلاتفورما 2020 جىلى قاناتقاقتى رەجىمدە ىسكە قوسىلعان بولاتىن. جوبا وڭ ناتيجە كورسەتكەن. بى­رىڭ­­عاي گەواقپاراتتىق ين­فرا­قۇ­رىلىمدىق دەرەكتەر پلات­فورماسى مەملەكەتتىك ور­­گانداردىڭ سالالىق اقپا­رات­تىق جۇيەلەرىمەن، وڭىرلىك گەو­پورتالدارمەن، سالا­لىق كا­داس­ترلىق جانە باسقا دا ين­فرا­قۇرىلىمدىق قىزمەتتەر جۇ­يە­سىمەن ينتەگراتسيالاناتىن بولادى. بۇگىندە 5 ءوڭىر (باتىس قازاقستان، ماڭعىستاۋ، الماتى، قاراعاندى جانە تۇركىستان وبلىس­تارى) گەواقپاراتتىق جۇيەسىمەن تەستىلىك ينتەگراتسيا جۇرگىزىلگەن.

– پلاتفورمادا ساۋلەت، قا­لا قۇرىلىسى جانە قۇرىلىس قىز­مەتىنىڭ بارلىق قولدا بار، سالىنىپ جاتقان، جوبالاناتىن جەرۇستى جانە جەراستى نىساندارى ەسەپكە الى­نىپ، ەلدى مەكەن اۋماقتارىنىڭ دامۋىنا مونيتورينگ جۇرگىزىلمەك. قول­­دانىستاعى ينجەنەرلىك جەلى­لەر جاڭعىرتىلعان، وزگەر­گەن­ نە جاڭادان سالىناتىن اۋدان­­­دار­دىڭ جوبالىق قۇ­جات­تا­ماسى جاڭار­تىل­عان جاع­داي­­دا، اقپارات مىندەتتى تۇر­دە بىرىڭعاي گەواقپاراتتىق ين­­فرا­قۇرى­لىم­دىق دەرەكتەر پلات­فور­­ماسىنا كەلىپ تۇسەتىن بولادى. وسى­­لايشا، پلاتفورمانىڭ دەرەك­­قورىنا ءتيىستى اقپاراتتى ەنگىز­­بەيىن­شە بىردە-ءبىر وزگەرىس مۇم­كىن بول­مايدى، – دەپ حابارلادى مي­نيستر­­لىك.

بىرىڭعاي ينفراقۇرىلىمدىق پلات­فورما جوبالاۋ جانە قۇ­رى­­لىس پروتسەسىنىڭ اشىقتىعىن، الەۋەتتى ينۆەستيتسيالىق جوبالار­دى ىسكە اسىرۋدى، بيۋدجەت قاراجاتىن يگە­رۋدى باقىلاۋ مەن تيىمدىلىگىن قام­تاماسىز ەتۋ قۇرا­لىنا اينالماق.