رۋحانيات • 27 قاڭتار، 2021

قالامگەرگە قۇرمەت

34 رەت كورسەتىلدى

ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىندە «باسپا ءىسى جانە قازىرگى ادەبي پروتسەسس: جازۋشى، سىنشى، وقىرمان» اتتى حالىقارالىق عىلىمي-تاجىريبەلىك كونفەرەنتسيا ءوتتى. قازىرگى قازاق جۋرناليستيكاسى مەن باسپا ءىسى سالاسىنداعى ماڭىزدى ماسەلەلەر تالقىلانعان تانىمدىق باسقوسۋ بەلگىلى ادەبيەتشى، عالىم نۇرجان قۋانتاي ۇلىنىڭ 50 جىلدىق مەرەيتويىنا ورايلاسا ءوربىدى.

شوقتىعى بيىك ءسوز ساڭلاقلاقتارىنىڭ قانشاما بۋىنىن قالىپتاستىرعان قاراشاڭىراقتاعى باسپاگەرلىك-رەداكتورلىق جانە ديزاينەرلىك ونەر كافەدراسىنىڭ ۇيىتقى بولۋىمەن وتكەن كونفەرەنتسيادا قازاق جۋرناليستيكاسىنىڭ وتكەنى مەن بولاشاعى تۋرالى مازمۇندى ويلار ايتىلىپ،  ادەبي پروتسەسس پەن جازۋ ونەرىنىڭ بۇگىنگى ءورىسى كەڭىنەن سارالاندى.  ستۋدەنتتىك شاعىندا ادەبي ورتاعا «قاراوزەك» رومانىمەن تانىلعان نۇرجان قۋانتاي ۇلى بۇگىندە پروزا، پوەزيا جانرىندا قاتار قالام تەربەي وتىرىپ، تاجىريبەلى ۇستاز رەتىندە  بولاشاق باسپاگەرلەردى دايىنداۋعا ايرىقشا ۇلەس قوسىپ كەلەدى. قازاقستان جاستار وداعى سىيلىعىنىڭ، «ادەبيەت» اتالىمى بويىنشا «دارىن» مەملەكەتتىك سىيلىعىنىڭ، حالىقارالىق «الاش» ادەبي سىيلىعىنىڭ لاۋرەاتى اتانعان قابىرعالى قالامگەر ادەبيەتتەن بولەك ۇلتتىق جۋرناليستيكانىڭ وركەندەۋىنە دە ەڭبەك ءسىڭىرىپ جۇرگەن مايتالمان مامان.

«نۇرجان قۋانتاي ۇلى ادەبيەت الەمىنە ءوزىنىڭ قولتاڭباسىمەن، وزىندىك ۇنىمەن كەلگەن اقىن. سوناۋ 90 جىلداردىڭ وزىندە ول جارق ەتە قالىپ، بۇكىل ادەبيەت سۇيەر قاۋىمدى ەلەڭ ەتكىزگەن بولاتىن. نۇرجاننىڭ شىعارماشىلىق قۋاتى كەڭ. ادەبيەت پەن عىلىمدى ەگىز ورگەن ۇستازدان ءتالىم العان شاكىرتتەر قازاق ءسوز ونەرىنىڭ قادىر-قاسيەتىن تەرەڭنەن زەردەلەرى حاق»، دەيدى سىنشى، حالىقارالىق «الاش» ادەبي سىيلىعىنىڭ لاۋرەاتى امانگەلدى كەڭشىلىك ۇلى.

قالامگەردىڭ مەرەيتويىنا وراي، قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ قۇتتىقتاۋ حات جولدادى. سونداي-اق، ۋنيۆەرسيتەت باسشىلىعى نۇرجان قۋانتاي ۇلىن «ەرەن ەڭبەگى ءۇشىن» مەدالىمەن ناگرادتاپ، شىعارماشىلىق تابىس تىلەدى.

نۇرجان قۋانتاي ۇلىنىڭ  «قاراوزەك» رومانى (2001)، «ادىرنا» (1993)، «كۇمبىر» (2005) اتتى جىر جيناقتارى، «الاش-وردا ءباسپاسوزى جانە جۇسىپبەك ايماۋىت ۇلى»، ««جۇسىپبەك ايماۋىت ۇلىنىڭ كوسەمسوزى» اتتى مونوگرافيالارى (2012)، «قولشاتىر» (2013)، «اسىل ءسوز» (2015)، «بەيۋاق» (2019) اتتى پروزالىق جيناقتارى ت.ب. كىتاپتارى جارىق كورگەن. اقىننىڭ تاڭداۋلى جىرلارى  «جىر مارجانى» اتتى ون تومدىق قازاق پوەزياسىنىڭ انتولوگياسىنا (2015) ەنگىزىلگەن. شىعارمالارى تۇرىك، ورىس، قىتاي، وزبەك،  قىرعىز تىلدەرىنە اۋدارىلعان.

 

الماتى

سوڭعى جاڭالىقتار

COVID-19: سىرى قاشان اشىلار؟..

كوروناۆيرۋس • بۇگىن، 08:35

العىس ارقالاعان ازامات

مەديتسينا • بۇگىن، 08:34

جاقسىلىق جاساساڭ، اۋىلىڭا جاسا

مەديتسينا • بۇگىن، 08:31

العا باسقان ازاماتتىق قوعام

قازاقستان • بۇگىن، 08:26

اقىن داڭقى الاسارمايدى

رۋحانيات • بۇگىن، 08:25

كورشى ءوڭىردىڭ كومەگى

ءبىلىم • بۇگىن، 08:25

ءوڭىردىڭ وركەندەۋى – ورتاق يگىلىك

وڭتۇستىك قازاقستان • بۇگىن، 08:22

ءۇمىت وتىن لاۋلاتقان...

ايماقتار • بۇگىن، 08:22

عۇلاما عالىم، كورنەكتى قايراتكەر

قازاقستان • بۇگىن، 08:19

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

ءار سۋرەتتە – ءومىر ساۋلەسى

ايماقتار • بۇگىن، 08:13

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار