ناتيجەسىندە 114 بۇزۋشىلىق دەرەگى, سونىڭ ىشىندە وندىرىستىك-تەحنيكالىق قۇجاتتامانىڭ جۇرگىزىلمەگەندىگى, اسفالت-بەتون جامىلعىسىنداعى تەگىسسىزدىكتەر مەن سىزاتتاردىڭ بولۋى, سىنۋلار مەن ىعىسۋلاردىڭ ورىن الۋى, جول جيەكتەرىنىڭ بۇزىلعاندىعى جانە سىنامالار بەكىتىلگەن تالاپقا سايكەس كەلمەيتىندىگى انىقتالعان. بۇل جونىندە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى ميراس قارعاباي «ساپالى جول - ادالدىق الاڭى» جوباسى اياسىندا 2020 جىلى اتقارىلعان جۇمىستار بويىنشا وتكىزىلگەن ءباسپاسوز ءماسليحاتىندا ءمالىم ەتتى.
كەمشىلىكتەردى جويۋ بويىنشا كەلتىرىلگەن ۇسىنىستاردىڭ نەگىزىندە ءتيىستى جۇمىستار اتقارىلىپ, بۇگىندە 114 بۇزۋشىلىقتىڭ 97-ءسى (86%) قالپىنا كەلتىرىلگەن. بۇدان بولەك, جىلجىمالى زەرتحانالىق كولىگى ارقىلى كۇرە جولداردان الىنعان سىنامالار بارىسىندا انىقتالعان كەمشىلىكتەردى جويۋ بويىنشا مەردىگەر مەكەمە باسشىلارىنا اكت ءتۇزىلىپ, جاڭادان سالىنعان ساپاسىز جولداردى قايتا قالپىنا كەلتىرۋ بويىنشا جاۋاپتى قالا, اۋدان اكىمدەرىنە ناقتى ۇسىنىستار جولدانعان.
«ساپالى جول – ادالدىق الاڭى» جوباسى شەڭبەرىندە وتكەن جىلى دەپارتامەنتپەن 78 نىسانعا جۇرگىزىلگەن زەردەلەۋ جۇمىستارىنىڭ ناتيجەسىندە, جالپى قۇنى 12 886,2 ملن تەڭگە بولاتىن بيۋدجەت قارجىسىنىڭ ءتيىمدى جۇمسالۋى باقىلاۋدا بولعان.
تۇركىستان وبلىسى
