اۋداندا مال شارۋاشىلىعىن اسىلداندىرۋ باعىتىندا «سىباعا», «التىن اسىق», «قۇلان» مەملەكەتتىك باعدارلامالارى جۇزەگە اسىرىلىپ كەلەدى. اۋدان اكىمى نۇربول تۇراشبەكوۆ بىلتىر «سىباعا» باعدارلاماسىمەن 665 ءىرى قارا مال ساتىپ الىنىپ, تاپسىرما 139 %-عا ورىندالعانىن ايتادى. ال «التىن اسىق» باعدارلاماسى 190 پايىزعا ورىندالعان. سونداي-اق «قۇلان» باعدارلاماسىمەن 277 جىلقى الىنعان. اۋدانداعى 110 ءسۇت فەرماسىندا 2 مىڭ سيىر ساۋىنعا بايلانعان. ءسۇت فەرمالارىندا تاۋلىگىنە 4 355 توننا ءسۇت وندىرىلەدى. وتكەن جىلى 22 ءسۇت فەرماسىن اشۋ جوسپارلانىپ, ءىس جۇزىندە 26-سى اشىلعان. سونىمەن قاتار وتكەن جىلى جوسپارلانعان 3 قۇس فەرماسىنىڭ ورنىنا, 5 قۇس فەرماسى ىسكە قوسىلدى.
بيىل ورداباسى اۋدانىندا مال شارۋاشىلى مەن قۇس ءوسىرۋدى دامىتۋعا باسىمدىلىق بەرىلۋدە. بۇل رەتتە, اۋداندا ورنالاسقان ءىرى كاسىپورىندار مەن جەرگىلىكتى شارۋالار اراسىندا مال ازىعىنا قاجەتتى شيكىزاتپەن قامتاماسىز ەتۋ بويىنشا ىنتىماقتاستىق مەموراندۋمدارىنا قول قويىلدى.
تۇركىستان وبلىسى
