قازاقستان • 27 قاڭتار، 2021

وتكەن جىلى 936 مىڭنان استام ادام ااك الدى

1 رەت كورسەتىلدى

2020 جىلدىڭ قورىتىندىسى بويىنشا 184،7 مىڭ وتباسىنداعى 936،2 مىڭ ادامعا اتاۋلى الەۋمەتتىك كومەك (بۇدان ءارى – ااك) تاعايىندالدى. بۇل ماقساتقا بيۋدجەتتەن 75،3 ملرد تەڭگە ءبولىندى، دەپ حابارلايدى ەgemen.kz

ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.

بۇدان باسقا، ااك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن قامتاماسىز ەتۋ بويىنشا جۇمىس جۇرگىزىلۋدە.

وتكەن جىلدىڭ قورىتىندىسى بويىنشا ااك الۋشىلار قاتارىنداعى 1 جاستان 6 جاسقا دەيىنگى 218،2 مىڭ بالا ازىق-ت ۇلىك جانە تۇرمىستىق حيميا جيىنتىعى تۇرىندە الەۋمەتتىك توپتامامەن قامتاماسىز ەتىلدى.

ەستەرىڭىزگە سالا كەتەيىك، 119،7 مىڭ وتباسىنداعى 614،3 مىڭنان استام قازاقستاندىققا 2020 جىلعى IV توقساندا اتاۋلى الەۋمەتتىك كومەك تاعايىنداۋ مەملەكەتتىك ينستانتسياعا جۇگىنبەي-اق اۆتوماتتى تۇردە ۇزارتىلدى.

ااك الۋشىلارعا بۇدان بۇرىن، II جانە III توقساندا تج رەجيمى مەن كارانتيندىك شەكتەۋ شارالارىنىڭ قولدانىلۋىنا بايلانىستى كومەك تاعايىنداۋ ۇزارتىلعان.

سونىمەن قاتار، اتالعان پراكتيكا 2021 جىلعى I توقساندا بارلىق ااك الۋشىلارعا قولدانىلدى. بۇل شارالار حالىق اراسىندا ۆيرۋستىق ينفەكتسيانىڭ تارالۋ قاۋپىن ازايتۋعا مۇمكىندىك بەرەدى.



سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار