تاعايىنداۋ • 26 قاڭتار، 2021

اتىراۋ وبلىسى اكىمىنىڭ جاڭا ورىنباسارى تاعايىندالدى

328 رەت كورسەتىلدى

اتىراۋ وبلىسى اكىمىنىڭ ورىنباسارى لاۋازىمىنا قايرات  نۇرلىباەۆ تاعايىندالدى. ونى وبلىس اكىمى ماحامبەت دوسمۇحامبەتوۆ جەرگىلىكتى اكتيۆكە تانىستىردى، دەپ حابارلايدى Egemen.kz

قايرات ەسقابىل ۇلى نۇرلىباەۆ 1973 جىلى 2 مامىردا  اتىراۋ وبلىسى، قىزىلقوعا اۋدانىنىڭ مۇقىر اۋىلىندا دۇنيەگە كەلگەن. ءبىلىمى جوعارى. باتىس قازاقستان اۋىل شارۋاشىلىعى ينستيتۋتىن ينجەنەر-مەحانيك، ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن ەكونوميست ماماندىعى بويىنشا ءبىتىردى.

ەڭبەك جولىن 1995 جىلى اقتوبە وبلىسىنىڭ قوبدا اۋداندىق ءماسليحاتىندا اعا رەفەرەنتى رەتىندە باستادى. 1996-1997 جىلدارى اتىراۋ وبلىسى، قىزىلقوعا اۋدانىنداعى «مۇقىر» اكتسيونەرلىك قوعامىندا جوندەۋشى-تەحنيك بولىپ جۇمىس ىستەگەن. 1999 جىلدان  مۇقىر سەلولىق وكرۋگى اكىمى اپپاراتىنىڭ مامانى،  مۇقىر سەلولىق وكرۋگىنىڭ اكىمى، قىزىلقوعا اۋداندىق كوممۋنالدىق مەنشىك، كورىكتەندىرۋ، قۇرىلىس جانە تۇرعىن-ءۇي شارۋاشىلىعى ءبولىمىنىڭ مەڭگەرۋشىسى لاۋازىمىن اتقاردى.

ودان كەيىن قۇرمانعازى اۋدانىنىڭ شورتانباي سەلولىق وكرۋگىنىڭ اكىمى، قۇرمانعازى اۋداندىق ىشكى ساياسات، جەر قاتىناستارى بولىمدەرىنىڭ باسشىسى، سونداي-اق ماقاش سەلولىق وكرۋگىنىڭ اكىمى بولعان. 2008-2012 جىلدارى يندەر اۋدانى اكىمى اپپاراتىنىڭ باسشىسى، 2012-2019 جىلدارى اتالعان اۋدان اكىمىنىڭ ورىنباسارى، 2019 جىلدىڭ ماۋسىم ايىنان بەرى وبلىستىق اۋىل شارۋاشىلىعى باسقارماسىنىڭ باسشىسى لاۋازىمىن اتقارىپ كەلدى.  

«قايرات ەسقابىل ۇلىن بىلىكتى باسشى، جۇمىس تاجىريبەسى مول ازامات رەتىندە وسى لاۋازىمعا لايىقتى دەپ ەسەپتەيمىن. وعان ۇلكەن سەنىم ارتامىن» دەدى وبلىس اكىمى ماحامبەت دوسمۇحامبەتوۆ.

سوڭعى جاڭالىقتار

ۇقساس جاڭالىقتار