ارنايى وكىلدىڭ اقپاراتى تىڭدالدى

كەشە قاسىم-جومارت توقاەۆتىڭ توراعالىق ەتۋىمەن بولعان پارلامەنت سەناتى بيۋروسىنىڭ وتىرىسىندا پالاتانىڭ الداعى 21 ساۋىردە بولاتىن كەزەكتى جالپى وتىرىسىنىڭ كۇن ءتارتىبىن قالىپتاستىرۋ تۋرالى تۇراقتى كو­مي­تەتتەردىڭ ۇسىنىستارى قارالدى, دەپ حابارلادى سەناتتىڭ ءباسپاسوز قىزمەتى. دەپۋتاتتار وتىرىستا “جەر قوي­ناۋى جانە جەر قويناۋىن پايدالانۋ تۋرالى” زاڭ جوباسىن قارايدى. سون­داي-اق “قازاقستان رەسپۋبليكاسىنىڭ كەيبىر زاڭنامالىق اكتىلەرىنە ترانس­فەرتتىك باعا بەلگىلەۋ جانە سالىق سالۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسى ءبىرىنشى وقىلىمدا, “قازاق­ستان رەسپۋبليكاسىنىڭ كەيبىر زاڭ­نامالىق اكتىلەرىنە ءورت قاۋىپسىزدىگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسى ەكىنشى وقىلىمدا تالقىلا­ناتىن بولدى. بيۋرو وتىرىسىندا ەقىۇ پار­لا­مەنتتىك اسسامبلەياسىنىڭ پرەزيدەنتى ج.سوارەشتىڭ قىرعىزستانداعى جاع­دايدى بايقاۋ جونىندەگى ارنايى وكىلى ءادىل احمەتوۆتىڭ اقپاراتى تىڭدالدى. سەنات دەپۋتاتى ءا.احمەتوۆ ەقىۇ ءىس باسىنداعى توراعاسىنىڭ ارنايى ۋاكىلى جانىبەك كارىبجانوۆپەن بىرگە وسى ەلگە بارىپ, ۋاقىتشا ۇكىمەت باس­شىلارىمەن, تاراتىلعان پارلامەنت دەپۋتاتتارىمەن, بەلگىلى قوعام قاي­رات­كەرلەرىمەن, ۇكىمەتتىك ەمەس ۇيىم­داردىڭ, قىرعىز رەسپۋبليكاسىندا تىركەلگەن ديپلوماتيالىق ميسسيا­لار­دىڭ, حالىقارالىق قارجى ۇيىمدارى مەن ينستيتۋتتارىنىڭ وكىلدەرىمەن كەزدەسۋلەر وتكىزگەن بولاتىن.