قازاقستان • 26 قاڭتار، 2021

انتيكوردا مونيتورينگتىك توپتىڭ جىلدىق قورىتىندىسى شىعارىلدى

11 رەت كورسەتىلدى

اگەنتتىك جانىنداعى العاشقى قوعامدىق ينستيتۋت ارنايى مونيتورينگتىك توپ 5 جىل ىشىندە رەسپۋبليكالىق جانە جەرگىلىكتى دەڭگەيدە مەملەكەتتىك ورگانداردىڭ اشىقتىعى مەن ەسەپتىلىگىن دامىتۋعا ەلەۋلى ۇلەس قوسقان ناقتى جانە پارمەندى ازاماتتىق باقىلاۋ ينستيتۋتىنا اينالدى، دەپ حابارلايدى Egemen.kz

امت مۇشەلەرى جۇيەلى نەگىزدە سىبايلاس جەمقورلىققا قارسى ستراتەگيانىڭ قاعيداتتارىن ىسكە اسىرۋ بويىنشا جۇمىس جۇرگىزەدى.

2020 جىلعى امت قىزمەتىنىڭ قورىتىندىسى جانە الداعى كەزەڭگە ارنالعان جوسپارى تۋرالى اقاپارات اگەنتتىك وكىلدەرى قاتىسقان ونلاين-كەڭەستە تانىستىرىلدى.

رەسپۋبليكالىق امت باسشىسى ايگۇل سولوۆەۆا كونسۋلتاتيۆتىك-كەڭەسشى ورگان قىزمەتىنىڭ نەگىزگى باعىتتارى مەن قوعام بەلسەندىلەرىمەن جۇرگىزىلگەن مونيتورينگ بارىسىنداعى وزەكتى ماسەلەلەر تۋرالى باياندادى.

بىرلەسكەن جۇمىستى ودان ءارى جاقسارتۋ بويىنشا ا.سولوۆەۆامەن سىبايلاس جەمقورلىققا قارسى ستراتەگيانى ىسكە اسىرۋ بويىنشا وڭىرلىك جوسپارلاردى ازىرلەۋ، وعان ءىس-شارالار رەتىندە حالىقارالىق ۇيىمداردىڭ (ەىدۇ، گرەكو، ەقىۇ) ۇسىنىمدارىن قوسا وتىرىپ، سونداي-اق باق-پەن نەعۇرلىم بەلسەندى ءوزارا ءىس-قيمىل جاساۋ جانە جۇرگىزىلىپ جاتقان جۇمىستى جاريا ەتۋ بويىنشا الەۋمەتتىك جەلىلەردىڭ مۇمكىندىكتەرىن پايدالانۋ ۇسىنىلدى.

كەڭەسكە قاتىسۋشىلار ازاماتتىق قوعامدى سىبايلاس جەمقورلىققا قارسى كۇرەسكە بەلسەندى تارتۋدىڭ وزەكتىلىگى، سونداي-اق امت-نىڭ باسقا قوعامدىق بىرلەستىكتەرمەن جانە ازاماتتارمەن نەعۇرلىم تىعىز كوللابوراتسيا قاجەتتىلىگى تۋرالى ءبىراۋىزدان پىكىر ءبىلدىردى.

سونىمەن قاتار، امت مەملەكەتتىك ورگاندارعا سەنىمنىڭ نەگىزىن قالىپتاستىراتىن ءۇش نەگىزگى باعىتقا – مەملەكەتتىك اپپاراتتىڭ ترانسپارەنتتىلىگىنە، مەملەكەتتىك قىزمەتتەردى كورسەتۋ ساپاسىنا جانە مەملەكەتتىك قىزمەتشىلەردىڭ ەتيكالىق نورمالاردى ساقتاۋىنا نازار اۋدارۋى ءتيىس ەكەندىگى اتاپ ءوتىلدى.

«ورتالىق مەملەكەتتىك ورگاندار مەن اكىمدىكتەردىڭ جوسپارلاردى ورىنداۋىنا باقىلاۋدى كۇشەيتۋ، سىبايلاس جەمقورلىققا قارسى ءىس-قيمىل جونىندەگى جەرگىلىكتى كوميسسيالاردىڭ قۇرامىندا امت-نىڭ جۇمىسىن جانداندىرۋ قاجەت. سونىمەن قاتار، قوعام وكىلدەرى زاڭ اياسىندا جۇمىس ىستەۋى كەرەك. ءبىز قازاقستاندىقتاردىڭ ءومىرىن جاقسارتۋ ءۇشىن ادال جانە زاڭ بويىنشا شارالار قابىلدايتىنداردى عانا قولدايمىز»، دەدى ا.شپەكباەۆ.

ايتىلعان ەسەپتەر مەن ۇسىنىستاردى ەسكەرە وتىرىپ، اگەنتتىك توراعاسى امت جۇمىسىنا وڭ باعا بەرىپ، قوعامداعى سىبايلاس جەمقورلىقتى جويۋعا قوسقان ەلەۋلى ۇلەسى ءۇشىن ا.سولوۆەۆاعا العىس ءبىلدىردى.

سوڭعى جاڭالىقتار

ۇقساس جاڭالىقتار