قازاقستان • 26 قاڭتار، 2021

قازاقستان تۇرعىن ءۇي قۇرىلىسى بويىنشا تمد ەلدەرى اراسىندا ءبىرىنشى ورىندا

11 رەت كورسەتىلدى

2020 جىلدىڭ قورىتىندىسى بويىنشا قازاقستان رەسپۋبليكاسىندا تۇرعىن ءۇيدى پايدالانۋعا بەرۋ كورسەتكىشى جان باسىنا شاققاندا 0،81 شارشى مەترگە جەتتى، دەپ حابارلايدى Egemen.kz

بۇل تاۋەلسىز مەملەكەتتەر دوستاستىعى ەلدەرى اراسىنداعى ەڭ جوعارى كورسەتكىش جانە ول ەكونوميكالىق دامىعان ەلدەردىڭ دەڭگەيىنە جاقىندادى. ماسەلەن، وتكەن جىلدىڭ قورىتىندىسى بويىنشا رەسەيدە – 0،56 شارشى مەتر، بەلارۋسسيادا – 0،45 شارشى مەتر، ال وزبەكستاندا – ءبىر ادامعا 0،36 شارشى مەتر تۇرعىن ءۇي پايدالانۋعا بەرىلدى.

بۇل كورسەتكىش 2019 جىلدان باستاپ ولشەنىپ كەلەدى جانە كەزكگىنەن ەكىنشى جىل قازاقستان تمد ەلدەرى اراسىندا كوشباسشى بولدى.

«نۇرلى جەر» مەملەكەتتىك تۇرعىن ءۇي-كوممۋنالدىق دامۋ باعدارلاماسىنىڭ  شەڭبەرىندە حالىققا قولايلى تۇرمىستىق جاعدايلار جاساۋ، تۇرعىن ءۇيدىڭ قول جەتىمدىلىگى مەن جايلىلىعىن ارتتىرۋ، سونداي-اق تۇرعىن ءۇي ينفراقۇرىلىمىن دامىتۋ – مەملەكەتتىك ساياساتتىڭ باسىم باعىتتارى»، جايمبەتوۆ مارحابات جايىمبەت ۇلى، قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى.

ەستەرىڭىزگە سالا كەتەيىك، 2020 جىلى باعدارلامانىڭ بارلىق قارجىلاندىرۋ كوزدەرىنەن بىرىڭعاي تۇرعىن ءۇي ساياساتىن ىسكە اسىرۋ جونىندەگى تاپسىرماسى اياسىندا رەكوردتىق 15،3 ميلليون شارشى مەتر تۇرعىن ءۇي پايدالانۋعا بەرىلدى، بۇل 2019 جىلعى كورسەتكىشتەن 16،8% ارتىق.

سوڭعى جاڭالىقتار

ۇقساس جاڭالىقتار