ساياسات • 26 قاڭتار، 2021

ونەركاسىپكە ءورىس اشقان قۇرىلىم

39 رەت كورسەتىلدى

«قازاقستاننىڭ دامۋ بانكى» اق بىلتىر ەلىمىزدىڭ وڭدەۋ ونەركاسىبىنە جانە ينفراقۇرىلىمىنا 506،2 ملرد تەڭگە ينۆەستيتسيا قۇيدى. سونداي-اق الەۋمەتتىك-ەكونوميكالىق تۇرعىدان ماڭىزى زور 34 ءىرى جوبانى قارجىلاندىردى.

 

2020 جىلى الەمدىك ەكونو­مي­كانىڭ دامۋ قارقىنى باياۋلاپ، ءوندىرىس كولەمى ايتارلىقتاي قۇل­دىراعانى بەلگىلى. بۇل جاع­داي «قازاقستاننىڭ دامۋ بانكى­نىڭ» نەسيە بەرۋ قىزمەتىنە اسەر ەتپەي قويعان جوق. سوعان قارا­ماس­تان بانك وتكەن جىلدى وڭ كور­سەت­كىشتەرمەن اياقتادى. الدىن الا قورىتىندىلارعا سۇيەن­سەك، بانكتىڭ تازا تابىسى 25،4 ملرد تەڭگەنى قۇراپتى. 2019 جىل­مەن سالىستىرعاندا دامۋ ينستي­تۋ­تى­نىڭ مەنشىكتى كاپيتالى 21 پا­يىزعا كوبەيىپ، 516 ملرد تەڭگەگە جەتكەن.

«قازاقستاننىڭ دامۋ بانكى» اق باسقارما توراعاسى اباي سار­قۇ­لوۆتىڭ ايتۋىنشا، بانك كورو­ناۆيرۋس پاندەمياسىنا باي­لا­نىستى قالىپتاسقان كۇردەلى جاعدايعا قاراماستان، نەسيە قور­جىنىن ۇلعايتۋدى جالعاس­تى­رۋدا. 2020 جىلدىڭ الدىن الا قورىتىندىلارى بويىنشا ونىڭ كولەمى 1 ترلن 974 ملرد تەڭگەگە جەتكەن. كورسەتكىش 2019 جىلمەن سالىستىرعاندا 14،2 پايىزعا جوعارى. 

– 2020 جىلى جالپى سوما­سى 195،4 ملرد تەڭگە بولاتىن 9 ينۆەس­تيتسيالىق جوبا مەن 4 ەكسپورتتىق وپەراتسيانى قارجىلاندىرۋ ماقۇلداندى. ونىڭ قاتارىندا Hyundai جەڭىل اۆتوموبيلدەرىن شى­عاراتىن زاۋىت قۇرىلىسى، قارا­عاندى قالاسىندا كەن بايى­تۋ فابريكاسىن سالۋ ءارى قۇيۋ ءوندىرىسىن جاڭعىرتۋ، اگلومەرا­تسيالىق فابريكاسى بار سارىارقا فەر­روقورىتپا زاۋىتىن سالۋ، «كە­رۋەن-ساراي» تۋريستىك كەشەنىنىڭ قۇرىلىسى، سونداي-اق جامبىل وب­لىسى قورداي اۋدانىنداعى بەس ەلدى مەكەنگە گاز قۇبىرىن تارتۋ سياقتى ءىرى جوبالار بار، – دەپ ناقتىلادى اباي سارقۇلوۆ ور­تالىق كوممۋنيكاتسيالار قىز­مەتىندە وتكەن بريفينگتە.

باسقارما توراعاسىنىڭ اي­تۋىنشا، بىلتىر بانك قاراجاتىنا 9 ءىرى كاسىپورىن جاڭعىرتىلىپ، پايدالانۋعا بەرىلگەن. ونىڭ ءبارى وڭىرلەردىڭ دامۋىنا الەۋمەتتىك-ەكونوميكالىق تۇرعىدان ايتار­لىقتاي سەرپىلىس اكەلگەن جوبا­لار. سونىڭ ناتيجەسىندە رەس­پۋبليكا بويىنشا 1 942 جاڭا جۇمىس ورنى اشىلعان. سونىمەن قاتار بانك قولداۋ كورسەتكەن كاسىپورىنداردىڭ رەسپۋبليكالىق بيۋدجەتكە 17 ملرد تەڭگەدەن استام ءتۇسىم اكەلگەنىن اتاپ وتكەن ءجون.

– قايتا جاڭعىرتىلىپ، ىسكە قوسىلعان جوبالاردىڭ ىشىندە وندىرىستىك الىپتاردان بولەك، «جاسىل» تەحنولوگيالار دا بار­شىلىق. ماسەلەن، اقمولا وبلىسىندا «استانا ەكسپو-2017» جەل ەلەكتر ستانساسىنىڭ 50 مۆت-تىق ەكىنشى كەشەنى مەن الماتى وبلىسىندا «قاسكەلەڭ 50 مۆت» كۇن ەلەكتر ستانساسىنىڭ قۇرىلىسىن اتاپ وتۋگە بولادى. سونداي-اق ماڭ­عىستاۋ وبلىسىندا «Aktau Resort Hotel» كوپفۋنكتسيونالدى قوناقۇي-تۋريستىك كەشەنى مەن ال­ماتىدا Hyundai جەڭىل اۆتومو­بيلدەرىن شىعاراتىن زاۋىت پاي­دالانۋعا بەرىلدى. «ترانستەلەكوم» اق تەمىرجول جەلىلەرى بويىنداعى بايلانىس پلاتفورماسىنىڭ اپ­پا­راتتىق-باعدارلامالىق كەشەنىن ىسكە قوسۋ جۇزەگە اسىرىلدى، – دەدى ا.سارقۇلوۆ.

بىلتىر قور جيناۋ كولەمى 542 ملرد تەڭگەنى قۇراعان. ونىڭ 74،9 پا­يىزى – نارىق قاراجاتى. بۇل رەتتە بانك مەملەكەتتىڭ ءاربىر تەڭگەسى­نە 2،98 تەڭگە نارىقتىق قارىز تارتقان. «قازاقستاننىڭ دامۋ بانكى» قور جيناۋ قۇرىلى­مىنداعى مەملەكەتتىك قاراجات ۇلەسىن تومەندەتۋ ءۇشىن ىشكى جانە حالىقارالىق كاپيتال نارىق­تارىنان قارىز تارتۋدىڭ ءتۇرلى كوزدەرىن پايدالانادى.

– ماسەلەن، تارتىلعان نارىق قارا­جاتىنىڭ 35 پايىزىن بانك­ا­رالىق قارىزدار، 15 پايىزىن تەڭگەمەن دەنوميناتسيالانعان ەۋ­رو­وبليگاتسيالار، 40 پايىزىن جەرگىلىكتى وبليگاتسيالار، 10 پايىزىن باسقا قارجى ينستي­تۋ­تتا­رى­نىڭ دەپوزيتتەرى قۇرادى. نەسيە قور­جىنىنىڭ قۇرىلىمىنداعى تەڭگەدەگى قارىزداردىڭ ۇلەسى 2013 جىلمەن سالىستىرعاندا 54،5 پا­يىزعا دەيىن نەمەسە 1 ترلن 76 ملرد تەڭگەگە دەيىن ۇلعايتىلدى. 2013 جىلى اتالعان كورسەتكىش 20،5 پايىزعا نەمەسە 78 ملرد تەڭگەگە تەڭ ەدى، – دەدى باسقارما توراعاسى.

«قازاقستاننىڭ دامۋ بانكى» اق 2015-2019 جىلدارعا ارنالعان يندۋستريالىق-يننوۆاتسيالىق دا­مۋ باعدارلاماسىنىڭ نەگىزگى وپە­راتورى رەتىندە 544،2 ملرد تەڭ­گ­ەگە 26 ينۆەستيتسيالىق جوبانى قار­جىلاندىرۋدى ماقۇلداعان. ا.سارقۇلوۆتىڭ ايتۋىنشا، اتال­عان جوبالار ەلدىڭ الەۋمەتتىك-ەكو­ن­­و­ميكالىق جاعدايىنا وڭ اسەر ەتكەن.

– 2015-2020 جىلدارى 5،5 مىڭ جاڭا جۇمىس ورنى قۇرىلدى. وتكەن جىلدىڭ 9 ايىنىڭ قورى­تىندىسى بويىنشا ساتىلعان ءونىم كولەمى 1 ترلن 349 ملرد تەڭگەنى، ەكسپورتتىق ءونىم كولەمى 1 ترلن 44 ملرد تەڭگەنى قۇرادى. بۇل رەت­تە بيۋدجەتكە تۇسەتىن سالىق تو­لەمدەرىنىڭ كولەمى شامامەن 187 ملرد تەڭگەگە جەتتى، – دەدى ول.

«قازاقستان دامۋ بانكىنىڭ» ستراتەگيالىق جوسپارىنا سايكەس، بيىل 820 ملرد تەڭگەگە جوبالاردى قاراستىرۋ جوسپارلانۋدا. سونداي-اق 460،8 ملرد تەڭگەگە قارىز بەرىلەدى دەپ كۇتىلۋدە. جال­پى، بانك وسى جىلى 10 ءوندىرىستى جاڭعىرتىپ، پايدالانۋعا بەرۋگە نيەتتى.

 

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار