«2021 جىلدىڭ باسىنان بارلىق الەۋمەتتىك كومەكتەر مەن تەحنيكالىق وڭالتۋ قۇرالدارى پورتال ارقىلى قامتاماسىز ەتىلەدى. بيىل اتاۋلى الەۋمەتتىك كومەكپەن 95 مىڭ 430 ادام قامتىلادى دەپ كۇتىلۋدە. ولارعا بارلىعى 9952,4 ميلليون تەڭگە قارجى قارالىپ وتىر. ال, اتاۋلى الەۋمەتتىك كومەك الاتىن وتباسىلارداعى 1-دەن 6 جاسقا دەيىنگى 26 مىڭ 720 بالا كەپىلدەنگەن الەۋمەتتىك پاكەتپەن قامتاماسىز ەتىلەتىن بولادى. بۇعان جالپى 3087,7 ميلليون تەڭگە قاراستىرىلدى», دەدى باسقارما باسشىسى. جالپى, بۇگىندە وبلىس بويىنشا اتاۋلى الەۋمەتتىك كومەك الۋشى 9541 وتباسى بار. ولاردىڭ بارلىعى ەلەكتروندىق تسيفرلىق قولتاڭبانى العان. ال, اتاۋلى الەۋمەتتىك كومەك الۋشىلار اراسىندا شيەلەنىستىڭ الدىن الۋ ءۇشىن الەۋمەتتىك قىزمەت پورتالىنا تاپسىرىس بەرۋ جۇمىستارى تۇراقتى باقىلاۋعا الىنعان.
سونىمەن قاتار, جورابەك باۋبەكوۆ بىلتىر وڭىردە مۇمكىندىگى شەكتەۋلى جاندارعا قانداي جاعدايلار جاسالعانىن اتاپ ءوتتى. باسقارما باسشىسىنىڭ ايتۋىنشا, ولاردى وڭالتۋ ماقساتىندا رەسپۋبليكالىق جانە وبلىستىق بيۋدجەتتەن 805,8 ميلليون تەڭگە بولىنگەن. بۇل قاراجاتقا الەۋمەتتىك وڭالتۋ قۇرالدارىنا مۇقتاج 10 مىڭ 367 مۇگەدەك قاجەتتى قۇرالدارمەن قامتاماسىز ەتىلىپتى. باسقارما باسشىسىنىڭ ايتۋىنشا, باسقارما وتكەن جىلى جۇمىس بويىنشا جاقسى ناتيجە كورسەتكەن. مۇمكىندىگى شەكتەۋلى ازاماتتاردىڭ جەكە وڭالتۋ باعدارلامالارىنىڭ ورىندالۋى 87 پايىزدى قۇراپ, رەسپۋبليكا بويىنشا ءۇشىنشى ورىنعا يە بولعان. باسقارما بۇل جەتىستىككە بيىل دا قول جەتكىزۋ ءۇشىن جۇمىس اتقارۋدا. سونداي-اق, بۇگىندە وبلىس بويىنشا 45 مىڭ 787 مۇگەدەك بار ەكەن.
جامبىل وبلىسى
