پارلامەنت • 25 قاڭتار، 2021

سەناتورلار نوتاريات تۋرالى زاڭ جوباسىن قارايدى

5 رەت كورسەتىلدى

پالاتا توراعاسى ماۋلەن اشىمباەۆتىڭ توراعالىق ەتۋىمەن بيۋرو وتىرىسى بولدى. بۇل تۋرالى سەناتتىڭ ءباسپاسوز قىزمەتى حابارلادى.

سەناتورلار پارلامەنت دەپۋتاتتارى باستاماسىمەن ازىرلەنگەن "قازاقستان رەسپۋبليكاسىنىڭ كەيبىر زاڭنامالىق اكتىلەرىنە نوتاريات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن قارايتىن بولدى. قۇجات نوتاريات قىزمەتىن ودان ءارى تسيفرلاندىرۋعا جانە ازاماتتاردىڭ دەربەس دەرەكتەرىن قورعاۋدى كۇشەيتۋگە باعىتتالىپ وتىر. سوندىقتان نوتاريات قۇپياسىن ساقتاۋعا قويىلاتىن تالاپتار دا كۇشەيە تۇسەتىن بولادى.

دەپۋتاتتار سونداي-اق "2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى" زاڭ جوباسىن قاراۋعا شىعاردى. قۇجات ەۋرازيالىق ەكونوميكالىق كوميسسياعا ەنەرگەتيكا، تەحنيكالىق رەتتەۋ، ماكروەكونوميكا، باسەكەلەستىك جانە ۆەتەريناريا سالالارىندا قوسىمشا وكىلەتتىكتەر بەرەدى.

سەناتورلار سونىمەن قاتار "2017 جىلعى 11 ساۋىردەگى ەۋرازيالىق ەكونوميكالىق وداقتىڭ كەدەن كودەكسى تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى"، "2014 جىلعى 12 قاراشاداعى ەۋرازيالىق ەكونوميكالىق كوميسسيانىڭ باسەكەلەستىكتىڭ بىرىڭعاي قاعيدالارىنىڭ ساقتالۋىن باقىلاۋ جونىندەگى وكىلەتتىكتەردى جۇزەگە اسىرۋى كەزىندە قۇپيا اقپاراتتى قورعاۋ ءتارتىبى جانە ونى جاريا ەتكەنى ءۇشىن جاۋاپتىلىق تۋرالى كەلىسىمگە ارمەنيا رەسپۋبليكاسىنىڭ قوسىلۋى تۋرالى حاتتامانى راتيفيكاتسيالاۋ تۋرالى"، ء"بىر تاراپتان ەۋرازيالىق ەكونوميكالىق وداق پەن وعان مۇشە مەملەكەتتەر جانە ەكىنشى تاراپتان سەربيا رەسپۋبليكاسى اراسىنداعى ەركىن ساۋدا تۋرالى كەلىسىمدى راتيفيكاتسيالاۋ تۋرالى" جانە "قازاقستان رەسپۋبليكاسىنىڭ ۇكىمەتى مەن ءبىلىم، عىلىم جانە مادەنيەت ماسەلەلەرى جونىندەگى بىرىككەن ۇلتتار ۇيىمى (يۋنەسكو) اراسىنداعى يۋنەسكو اياسىندا مادەنيەتتەردى جاقىنداستىرۋ حالىقارالىق ورتالىعىن (2-سانات) قۇرۋ تۋرالى كەلiسiمدى راتيفيكاتسيالاۋ تۋرالى" زاڭ جوبالارىن دا تالقىعا سالادى.

سونداي-اق سەناتورلار ماجىلىستەن كەلىپ تۇسكەن بىرقاتار زاڭ جوبالارىن تۇراقتى كوميتەتتەرگە ءبولىپ بەردى.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار