ۇلتتىق بانك بازالىق مولشەرلەمەنى 9% ساقتاپ قالدى

ەكونوميكا • 25 قاڭتار، 2021

ۇلتتىق بانك بازالىق مولشەرلەمەنى 9% ساقتاپ قالدى

10 رەت كورسەتىلدى

قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتى جونىندەگى كوميتەتى پايىزدىق ءدالىزدى +/–1،0 پ.ت. ساقتاي وتىرىپ بازالىق مولشەرلەمەنى جىلدىق 9،00% دەڭگەيىندە ساقتاۋ جونىندە شەشىم قابىلدادى.

اقمارال اعزامقىزى

تيىسىنشە وتىمدىلىكتى ۇسىنۋ جونىندەگى تۇراقتى قولجەتىمدى وپەراتسيالار بويىنشا مولشەرلەمە 10،00% جانە وتىمدىلىكتى الۋ جونىندەگى تۇراقتى قولجەتىمدى وپەراتسيالار بويىنشا مولشەرلەمە – 8،00% بولادى.

شەشىم ينفلياتسيانى ورتا مەرزىمدى كەزەڭدە 4–6%-دىق نىسانالى دالىزگە قايتارۋ ماقساتىندا قابىلدانىپ، تاۋەكەلدەر تەڭگەرىمىنىڭ پروينفلياتسيالىق فاكتورلار جاعىنا قاراي ىعىسۋىمەن نەگىزدەلدى. سىرتقى جانە ىشكى ينفلياتسيالىق قىسىم ۇلعايدى، ازىق-ت ۇلىك باعاسىنىڭ ودان ءارى كوتەرىلۋ تاۋەكەلى ارتتى، ينفلياتسيالىق كۇتۋلەردىڭ جوعارىلاۋى بايقالادى. سونىمەن قاتار ەلدە جانە الەمدە كوروناۆيرۋستىق ينفەكتسياعا بايلانىستى بەلگىسىزدىك ساقتالۋدا.

جىلدىق ينفلياتسيا 2020 جىلدىڭ قورىتىندىسى بويىنشا ۇلتتىق بانكتىڭ بولجامىنا سايكەس قالىپتاسىپ، 7،5% بولدى.

ازىق-ت ۇلىك ينفلياتسياسى الەمدىك باعا مەن ىشكى وندىرۋشىلەر باعاسىنىڭ سەرپىنىنە بايلانىستى مايدىڭ، جۇمىرتقانىڭ، قانتتىڭ جانە كوكونىستەردىڭ ايتارلىقتاي قىمباتتاۋى ناتيجەسىندە 11،3%-عا (ج/ج) دەيىن جىلدامدادى.

ازىق-ت ۇلىك ەمەس ينفلياتسيا 5،5% (ج/ج) بولدى. كيىم، اياق كيىم، ججم باعاسىنىڭ ءوسۋى باسەڭدەگەن كەزدە ەپيدەميولوگيالىق جاعدايعا، سونداي-اق قاشىقتان جۇمىس ىستەۋ جانە وقۋ جاعدايىندا سۇرانىستىڭ ساقتالۋىنا بايلانىستى ءدارى-دارمەكتەر، ءۇي تۇرمىسىنداعى زاتتار مەن تۇرمىستىق تەحنيكانىڭ باعاسى كوتەرىلدى.

سەرۆيستىك ينفلياتسيانىڭ 4،2%-عا (ج/ج) دەيىن جىلدامداۋى رەتتەلمەيتىن اقىلى قىزمەتتەردىڭ قىمباتتاۋىنا بايلانىستى بولدى. نەگىزگى ۇلەس سۇرانىستىڭ بىرتىندەپ قالپىنا كەلۋى اياسىندا قوعامدىق تاماقتانۋ، قوناق ءۇي قىزمەتتەرى، تۇرمىستىق قىزمەتتەردىڭ جەكەلەگەن تۇرلەرى مەن جەكە كۇتىم قىزمەتتەرى قۇنىنىڭ جىلدىق وسۋىمەن قامتاماسىز ەتىلدى.

بازالىق ينفلياتسيا كورسەتكىشتەرى ينفلياتسيالىق پروتسەستەردىڭ جىلدامداۋىن كورسەتەدى. ماسەلەن، جەمىستەر مەن كوكونىستەردى، رەتتەلەتىن كوممۋنالدىق قىزمەتتەر، تەمىرجول كولىگى، بايلانىس، بەنزين، ديزەل وتىنى مەن كومىردى قوسپاعاندا جىلدىق كورسەتكىشتەگى ماۋسىمدىق تازا بازالىق ينفلياتسيا 2020 جىلعى جەلتوقساندا 7،9%-عا دەيىن (قىركۇيەك-قازاندا – 5–6%) جىلدامدادى.

ينفلياتسيالىق كۇتۋلەر 2020 جىلعى جەلتوقساندا ءبىر جىل بۇرىن كۇتىلەتىن ينفلياتسيانى ساندىق باعالاۋ 7،6%-عا دەيىن ازداپ تومەندەگەن كەزدە جوعارى بولىپ قالىپ وتىر. قازىرگى نەمەسە باعالاردىڭ نەعۇرلىم جىلدام ءوسۋىن كۇتەتىن رەسپوندەنتتەردىڭ ۇلەسى 50% بولدى (2020 جىلعى قاراشادا – 52%).

قازاقستان ەكونوميكاسى 2020 جىلى 2،6%-عا قىسقاردى، بۇل ۇلتتىق بانكتىڭ بولجامدارىنا سايكەس كەلەدى. ءىجو-ءنىڭ قىسقارۋىنا تاۋ-كەن ءوندىرىسى، ساۋدا جانە كولىكتىڭ تومەندەۋى تەرىس اسەرىن تيگىزدى. تاۋ-كەن ونەركاسىبىندەگى قۇلدىراۋ مۇناي مەن گاز كوندەنساتىن ءوندىرۋ كولەمىنىڭ تومەندەۋىنە بايلانىستى. كولىكتىڭ قىسقارۋىنا جۇك اينالىمى مەن جولاۋشىلار اينالىمى كولەمىنىڭ تومەندەۋى ىقپال ەتتى. ساۋدانىڭ تەرىس سەرپىنى كارانتيندىك شەكتەۋلەردىڭ ساقتالۋىنا جانە تومەن سۇرانىسقا بايلانىستى بولدى. سونىمەن قاتار، ءىجو سەرپىنىنە وڭدەۋ ونەركاسىبى، اۋىل شارۋاشىلىعى، قۇرىلىس، اقپارات جانە بايلانىس، سونداي-اق مەملەكەتتىك سەكتور وڭ ۇلەس قوستى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز