وقيعا • 25 قاڭتار، 2021

ينتەرنەت ارقىلى كولىك الماق بولعان پەتروپاۆلدىق اقشاسىنان ايىرىلدى

11 رەت كورسەتىلدى

پەتروپاۆل تۇرعىنى ينتەرنەت ارقىلى اۆتوكولىك ساتىپ الماق بولىپ، 500 مىڭ تەڭگەسىنەن قاعىلدى، دەپ حابارلايدى ەgemen.kz

سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە، پەتروپاۆلدىڭ 40 جاستاعى تۇرعىنى ينتەرنەت ارقىلى «Hyundai Sonata» اۆتوكولىگىن ساتىپ الماق بولادى. ساتۋشىنىڭ ۇسىنىسىمەن الدىن الا 500 مىڭ تەڭگە تولەم جاسايدى. اقشا قولىنا تۇسىسىمەن-اق الاياق بايلانىسقا شىقپاي قويعان.

زاردار شەگۋشىنىڭ ايتۋىنشا، «ساتۋشى» وعان باسقا ساتىپ الۋشىنىڭ پايدا بولعانىن ايتقان. پسيحولوگيالىق ءتاسىلدى قولدانىپ، ايەلىنىڭ ەمىنە شۇعىل قاراجات قاجەتتىگىن جەتكىزگەن، سول ءۇشىن الدىن الا تولەم جاساۋدى سۇراعان.

اتالعان فاكتى «الاياقتىق» بابى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى، جەدەل-ىزدەستىرۋ ءىس-شارالارى جۇرگىزىلىپ جاتىر.

«ينتەرنەت ارقىلى ساۋدا جاساعان كەزدە ساتىلاتىن زاتتى ۆيدەوعا ءتۇسىرۋدى سۇراعان ءجون. تەكسەرۋ ءۇشىن ناقتى ءبىر بولشەكتەردى كورسەتۋدى سۇراۋ قاجەت. ساتۋشى كۇمان تۋدىراتىن بولسا، الدىن الا تولەم جاساۋعا كەلىسپەۋ كەرەك»، - دەيدى پەتروپاۆل قالالىق پب ەكىنشى پوليتسيا ءبولىمىنىڭ باستىعى رۋسلان سىزدىقوۆ.

جالپى 2020 جىلى سقو-دا 495 ينتەرنەت-الاياقتىق تىركەلدى، ونىڭ 171-ءى الدىن الا تولەمدى تالاپ ەتۋمەن بايلانىستى بولعان.

ايدا ورالبەك

سوڭعى جاڭالىقتار

يتاليادا توعىز جۇلدە الدىق

سپورت • بۇگىن، 10:10

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار