بيىل قالادا دەنساۋلىق ساقتاۋ سالاسىنداعى ماتەريالدىق-تەحنيكالىق بازانى 72,5 % پايىزعا دەيىن جاقسارتۋ, انا ءولىمىن 53,2 پايىزعا, نارەستەلەر ءولىمىن 9,88 پايىزعا دەيىن تومەندەتۋ جوسپارلانۋدا.
بۇگىندە قالادا ستاتسيونارلار 59,4 پايىز, بوساندىرۋ ۇيىمدار 74 پايىز, امبۋلاتوريالىق-ەمحانالىق ۇيىمدار عيماراتتارىنىڭ 68,6 پايىزى توزعان. ساپالى مەديتسينالىق كومەك كورسەتۋ ماقساتىندا 5 ەمحانا, 12 دارىگەرلىك امبۋلاتوريا, 1 رەابيليتاتسيالىق ورتالىق سالىنۋى قاجەتتىلىگى سەزىلۋدە. 1 كوپبەيىندى اۋرۋحانا, 1 پەريناتالدىق ورتالىق, 1 ەمحانا كۇردەلى جوندەۋدى قاجەت ەتەدى.
شاھاردا مەديتسينا سالاسىندا كورسەتىلەتىن مەملەكەتتىك قىزمەتتەر سانىن ارتتىرۋ كوزدەلۋدە. 2020 جىلى 19 مەملەكەتتىك قىزمەت ءتۇرى كورسەتىلگەن: قاعاز تۇرىندە – 3, ەلەكتروندى تۇردە – 16.
سونداي-اق, باسقارما باسشىسى سىبايلاس جەمقورلىق قۇقىق بۇزۋشىلىقا قارسى ءىس-قيمىل جوسپارلارىن ۇسىندى. بۇل رەتتە سالادا دارىگەرلەردىڭ بوس ورىندارعا جۇمىسقا قابىلداۋ تۋرالى الگوريتىمىن جاساقتاۋ, مەديتسينالىق قىزمەتتەر مەن انىقتامالاردى اۆتوماتتاندىرۋ جۇمىستارىن ستاندارتتارعا سايكەستەندىرۋ, سىبايلاس جەمقورلىق تاۋەكەلدەرىنە ىشكى تالداۋ جۇرگىزۋ, دەرەكتەر بازاسىنا بوس جۇمىس ورىندارى تۋرالى اقپاراتتى ۋاقتىلى ەنگىزۋ, جۇمىسقا قابىلداۋ الگوريتمىن ەنگىزۋ جوبالارىن ىسكە اسىرۋ ۇسىنىلىپ وتىر.
سونداي-اق, بيىل مەملەكەتتىك-جەكەشەلىك ارىپتەستىك اياسىندا بىرقاتار جوبالاردى ىسكە اسىرۋ جوسپارلانعان.
