تاعايىنداۋ • 25 قاڭتار، 2021

الماتىنىڭ الەۋمەتتىك ءال-اۋقات باسقارماسىنا جاڭا باسشى تاعايىندالدى

13 رەت كورسەتىلدى

الماتى قالاسىنىڭ اكىمى باقىتجان ساعىنتاەۆتىڭ وكىمىمەن الماتى قالاسى الەۋمەتتىك ءال-اۋقات باسقارماسىنىڭ باسشىسى بولىپ ءنازيرا توعىزباەۆا تاعايىندالدى.

ءنازيرا توعىزباەۆا قىزىلوردا قالاسىندا تۋعان. تۇرمىستا، بالالارى بار.

قىزىلوردا پوليتەحنيكالىق ينستيتۋتىن «ەكونوميكا جانە باسقارۋ» ماماندىعى بويىنشا، قازاق گۋمانيتارلىق زاڭ ۋنيۆەرسيتەتىن «قۇقىقتانۋ» ماماندىعى بويىنشا تامامداعان، ءال-فارابي اتىنداعى قازۇۋ-ءنىڭ اسپيرانتۋراسىن بىتىرگەن. ەكونوميكا عىلىمدارىنىڭ كانديداتى.

1999-2003 جىلدارى قىزىلوردا وبلىسىنىڭ اكىمدىگىندە جۇمىس ىستەگەن، جەتەكشى ماماننان ءبولىم باسشىسىنا دەيىنگى ەڭبەك جولدارىنان وتكەن. سونداي-اق ءار جىلدارى كوممەرتسيالىق ۇيىمداردا جۇمىس جاساعان.

الماتى قالاسىنىڭ اكىمدىگىندە 2016 جىلدان باستاپ جۇمىس ىستەيدى.

الماتى قالاسى اكىمىنىڭ باس ينسپەكتورى، الماتى قالاسى اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى قالالىق كوميسسيانىڭ حاتشىسى قىزمەتتەرىن اتقارعان.

وسى تاعايىنداۋعا دەيىن الماتى قالاسى قوعامدىق دامۋ باسقارماسى باسشىسىنىڭ ورىنباسارى بولدى.

سوڭعى جاڭالىقتار

ۇقساس جاڭالىقتار