ايماقتار • 25 قاڭتار، 2021

ءبىلىم بەرۋ سالاسى تولىعىمەن تسيفرلاندىرىلدى

30 رەت كورسەتىلدى

شىمكەنت قالاسىنداعى ءبىلىم سالاسىندا 32 مەملەكەتتىك كورسەتىلەتىن قىزمەت بەلگىلەنگەن. مەملەكەت باسشىسىنىڭ تاپسىرماسىنا سايكەس اتالعان قىزمەتتەر تولىعىمەن اۆتوماتتاندىرىلعان.

ودان بولەك، پەداگوگتاردى جۇمىسقا قابىلداۋ «HR-رrocess» ەلەكتروندى قىزمەتتەر جۇيەسى ارقىلى اۆتوماتتاندىرىلدى. ناتيجەسىندە، 720 بوس ورىندار جاريالانىپ، قابىلدانعان 408 پەداگوگتىڭ 121-ءى ۇزدىك ديپلوممەن، 125-ءى ماگيستر، 17-ءى شەت ەلدەردە ءبىلىم العان ساپالى كادرلار ىرىكتەلدى.

سونىمەن قاتار، ءبىلىم ۇيىمدارىنىڭ ءبىرىنشى باسشىلارى «ادالدىق الاڭى» جوباسى اياسىندا 100% كابينەتتەرىن وقۋ كابينەتتەرىنە تاپسىرىپ، اتا-انالار مەن مۇمكىندىگى شەكتەۋلى ادامدار ءۇشىن اشىقتىقتى قامتاماسىز ەتۋ ماقساتىندا «Open Space» اشىق بولمەلەرگە كوشتى.

جوعارىدا اتالعان جوبالاردى اۆتوماتتاندىرۋ ناتيجەسىندە ازاماتتاردىڭ وتىنىشتەرىنىڭ سانى 254-كە ازايدى (2019 جىلى - 434، 2020 جىلى-180).

سوڭعى جاڭالىقتار

ۇقساس جاڭالىقتار