ادەبيەت • 25 قاڭتار، 2021

جىر بايگەسى مارەسىنە جەتتى

20 رەت كورسەتىلدى

وسىدان ءبىر اي بۇرىن قازاقستان جازۋشىلار وداعى نۇر-سۇلتان قالالىق فيليالى مەن نۇر-سۇلتان قالاسى اكىمدىگى «كوڭىلدە الاڭ باسىلسا…» اتتى اقىندار ءمۇ­شاي­راسىن جاريالاعان بولاتىن. كۇنى كەشە جىر دودا­سىنىڭ جەڭىمپازدارى انىقتالىپ، ماراپاتتاۋ ءراسىمى ءوتتى.

جاس قالامگەرلەردىڭ شىعارما­لارىن باعالاپ، ساراپتاعان قازى­لار القاسىنىڭ قۇرامىندا اقىن­دار وڭايگۇل تۇرجان، جانات اس­كەر­بەك­قىزى، فيليال ديرەكتورى داۋلەتكەرەي كاپ ۇلى بولدى. ەلۋگە تارتا اقىن سىنعا تۇسكەن جىر سا­يىسىن­دا باس جۇلدەنى ءبىرجان احمەر ەنشىلەدى. ءبىرىنشى ورىنعا ايزادا راحىمجانوۆا يە بولسا، ەكىنشى ورىن ەرلان امانقوجاعا بۇيىردى. ال ءۇشىنشى دارەجەلى ديپلومعا ايدانا سەگىزباەۆا، ءالي بەكمۇحانبەت، ىنتالاندىرۋ سىيلىعىنا الپامىس فايزوللا، اۋعانباي ساناق ۇلى، ەراسىل سادۋاقاس لايىق دەپ تابىلدى. جارقىراي كورىنگەن جۇلدەلى ولەڭدەردى ەلوردالىق تەاتر اكتەرلەرى وقىپ، كورەرمەن نازارىنا ۇسىنادى. سونداي-اق باسقوسۋ بارىسىندا قالاداعى اقىن-جازۋشىلارعا ازەربايجان ەلشىسى ر.ماممادوۆتىڭ العىس حاتى، رەسپۋبليكالىق «Samuryq» ادەبي-مادەني جۋرنالى تابىستالدى.

سونىمەن قاتار ادەبي باسقوسۋ اياسىندا ەلوردالىق بولىمشە ديرەك­تورى داۋلەتكەرەي كاپ ۇلى جاستار شىعارماشىلىعى جونىندەگى ورىنباسارىن تانىستىردى. بۇل ورىنعا «دارىن» مەملەكەتتىك جاستار سىي­لىعىنىڭ يەگەرى، اقىن ولجاس قاسىم تاعايىندالدى.

بۇگىندە باس قالادا جاس اقىن-جازۋشىلار قاتارى كوبەيىپ، ادەبي ورتا قالىپتاسىپ كەلەدى. جاڭا بۋىن دا ورتاق وي الماسىپ، شىعارماشىلىق بايلانىس ورناتاتىن بىردەن-ءبىر جەر – فيليالدىڭ «جازۋشىلار ءۇيى». سول سە­بەپتى جاستارمەن جۇمىس جاندانىپ، ىر­گەلى باستامالار جالعاسىن تابۋعا ءتيىس.

فيليالدىڭ مۇرىندىق بولۋىمەن وسىعان دەيىن ەۋرازيا استانالارى قالامگەرلەرى فورۋمىنان باستاپ، ءتۇرلى مادەني ءىس-شارالار وتكىزىلىپ كەلەدى. بولىمشەنىڭ ۇيىتقى بولۋىمەن جاستارعا سەرپىن بەرەتىن بايقاۋلار دا ءجيى ۇيىمداستىرىلاتىنى ءمالىم.

 

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار