ەكونوميكا • 24 قاڭتار، 2021

قازاقستاننىڭ الەمدىك ەكونوميكالىق رەيتينگتەگى ورنى قانداي؟

317 رەت كورسەتىلدى

قازاقستان ەكونوميكالىق ەركىندىك كورسەتكىشى بويىنشا 180 ەلدىڭ ىشىندە 40-ورىندا تۇر. ءبىزدىڭ ەلدىڭ يندەكسى 69،6-نى قۇرايدى، دەپ حابارلايدى Egemen.kz.

ەۋرازيالىق ەكونوميكالىق وداق ەلدەرىنىڭ ىشىندەگى ەڭ جوعارى كورسەتكىش ارمەنياعا (70،6) تيەسىلى بولسا، ەڭ تومەنى – رەسەي (61). الدىڭعى ۇزدىك ۇشتىكتى سينگاپۋر، گونكونگ جانە جاڭا زەلانديا ەلدەرى باستاپ تۇر.

اقش-تاعى Heritage Foundation زەرتتەۋ ينستيتۋتى مۇنداي رەيتينگتى جىل سايىن جاريالاپ تۇرادى. اتالعان ورتالىقتىڭ ساراپشىلارى ازاماتتاردىڭ ەركىندىگىن قورعاۋ جانە قولداۋدان بولەك، ءار ەلدىڭ ەكونوميكالىق بوستاندىعىن سول ەلدىڭ ۇكىمەتىنىڭ ەكونوميكاعا ارالاسپاۋىنا جانە وندىرىسكە كەدەرگى كەلتىرمەۋىنە، تاۋارلار مەن قىزمەتتەردى تۇتىنۋ جانە بولىستىرۋگە ارالاسپاۋىنا قاراپ باعالايدى.

مۇنداي رەيتينگ 1995 جىلدان بەرى جاريالانىپ كەلە جاتىر. ەكونوميكالىق ەركىندىك دەڭگەيى بيزنەس، ساۋدا، قارجى سەكتورى، ينۆەستيتسيا، ەڭبەك، اقشا-نەسيە جانە فيسكالدى ەركىندىك، مەنشىك قۇقىعى كەپىلدىگى، بيۋروكراتيالىق اپپارات ولشەمى جانە جەمقورلىقتان قورعاۋ دارەجەسىنىڭ كورسەتكىشتەرىنە قاراپ بەلگىلەنەدى. مەملەكەتكە بەرىلۋى مۇمكىن ماكسيمالدى يندەكس – 100. ياعني، ول ەلدىڭ ەكونوميكاسىندا ءابسوليۋتتى ەركىندىك بار دەگەن ءسوز. مينيمالدى باعالاۋعا 0 يندەكسى بەرىلەدى. رەيتينگتەگى بارلىق ەلدەر 5 كاتەگورياعا بولىنگەن – «ەركىن»، «كوپ جاعدايدا ەركىن»، «ورتاشا ەركىن»، «كوپ جاعدايدا ەركىن ەمەس» جانە «ەركىن ەمەس». 2020 جىلى ەڭ ماكسيمالدى يندەكس (89،4) سينگاپۋرگە بەرىلسە، ەڭ تومەنى (4،2) سولتۇستىك كورەيانىڭ ەنشىسىنە تيگەن.

80-100 ارالىعىنداعى يندەكس – «ەركىن» ەكونوميكالىق دەڭگەيىن، 70-79،9 – «كوپ جاعدايدا ەركىن» دەڭگەيىن، 60-69،9 – «ەركىن ەمەس» دەڭگەيىن بىلدىرەدى. 50-59،9 ارالىعىندا باعالانعانداردىڭ ەكونوميكاسى «كوپ جاعدايدا ەركىن ەمەس» بولسا، 49،9-دان تومەن العاندار ەكونوميكاسى «ەركىن ەمەس» ەلدەر قاتارىنا جاتادى.

قازاقستان بۇل رەيتينگتە 2018 جىلى 41-ورىن الىپ، 2019 جىلى 18 پوزيتسياعا قۇلدىراپ، 59-ورىن العان ەدى. اراعا جىل سالىپ قايتادان 40-ورىن مەجەسىنە كوتەرىلىپ وتىر. دەمەك، 2020 جىلى جاعدايىن قايتادان ءبىرشاما جاقسارتا الدى دەگەن ءسوز.

 

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار