سپورت • 24 قاڭتار، 2021

«بارىس» «ءۆيتيازدى» ۇتتى

21 رەت كورسەتىلدى

قۇرلىقتىق حوككەي ليگاسىنىڭ (قحل) كەزەكتى تۋر ويىنىندا نۇر-سۇلتاننىڭ «بارىسى» وۆەرتايمدا ماسكەۋ وبلىسىنىڭ وكىلى «ۆيتياز» كلۋبىنان باسىم ءتۇستى.

پودولسكىدە وتكەن باسەكەدە تارازى باسى ۇزاق ۋاقىت بويى تەڭسەلىپ تۇردى. 6-مينۋتتا الەكساندر سەمين ايدىن يەلەرىن العا شىعارسا، كوپ ۇزاماي لينۋس ۆيدەلل ەسەپتى تەڭەستىردى. 13-ي مينۋتتا ءبىر ويىنشىنىڭ ارتىقتىعىن «ۆيتياز» ۇتىمدى پايدالاندى. بۇل گولدىڭ اۆتورى – دجاستين دەنفورت. ەكىنشى كەزەڭ باستالعان بەتتە ۆالەري ورەحوۆ پەن نيكيتا ميحايليس قاتارىنان ەكى شايبانى قاقپاعا توعىتتى. جەرگىلىكتى حوككەيشىلەر دە قاراپ قالعان جوق. اۋەلدە دەنفورت، ۇزىلىستەن كەيىن زاحار بارداكوۆ نىسىنانى ءدال كوزدەدى. ال كەزدەسۋدىڭ اياقتالۋىنا ءبىر جارىم مينۋتتاي قالعاندا ميحايليس تاعى ءبىر مارتە يەرگەندىك تانىتىپ، ويىندى وۆەرتايمعا ۇلىستىردى. قوسىمشا ۋاقىتتا دجەسسي بلەكەر جەڭىس گولىن سوقتى. ەسەپ – 4:5.

قاتارىنان ءتورتىنشى كەزدەسۋىندە جەڭىسكە جەتكەن «بارىس» 47 ويىننان كەيىن 57 ۇپاي جيىپ وتىر. تۇراقتى بىرىنشىلىكتىڭ جارىس كەستەسىندە جەرلەستەرىمىز 11 ورىندى يەلەنۋدە. 

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار