قوعام • 23 قاڭتار، 2021

وتباسى بانكىندە تۇرعىن ءۇيدى ساتۋعا بەس جىلعا شەكتەۋ قويىلعاندىعى ءتۇسىندىرىلدى

53 رەت كورسەتىلدى

زەينەتاقى جيناقتارىن پايدالانا وتىرىپ، يپوتەكا وتەلگەننەن كەيىن بەس جىل ىشىندە تۇرعىن ءۇيدى ساتۋعا شەكتەۋدى «وتباسى بانكى» تۇرعىن ءۇي قۇرىلىس جيناق بانكى باسقارماسىنىڭ توراعاسى ءلاززات يبراگيموۆا ءتۇسىندىردى، دەپ جازادى Egemen.kz.

«بەس جىلدىق شەكتەۋ تەك وتەۋ مەرزىمى بەس جىلدان اساتىن جانە وتەلمەگەن قارىزى بار تۇرعىن ءۇي يپوتەكالىق نەسيەلەرىنە قولدانىلادى. سوندىقتان، ءسىزدىڭ يپوتەكاڭىز اياقتالعان كەزدە بانكتىك نەسيە شارتىنا مۇقيات قاراۋىڭىز كەرەك»، - دەدى ءلاززات يبراگيموۆا ونلاين بريفينگ بارىسىندا جۋرناليستەردىڭ سۇراقتارىنا جاۋاپ بەرە وتىرىپ.

2021 جىلى 23 قاڭتاردا «وتباسى بانك تۇرعىن ءۇي قۇرىلىس جيناق بانكى» اق - تۇرعىن ءۇي جاعدايلارىن جاقسارتۋ جانە ەمدەلۋ اقىسىن تولەۋ ماقساتىندا بىرىڭعاي جيناقتاۋشى زەينەتاقى قورىنان بىرجولعى زەينەتاقى تولەمدەرىن ماقساتتى پايدالانۋ جونىندەگى ۋاكىلەتتى وپەراتور ونلاين پلاتفورماسىن ىسكە قوستى. 

سونىمەن قاتار ءلاززات يبراگيموۆا زەينەتاقى جيناقتارىن يپوتەكانى پايدالانباي تۇرعىن ءۇي ساتىپ الۋ ءۇشىن پايدالانۋ مۇمكىندىكتەرىن ءتىزىپ بەردى.

سوڭعى جاڭالىقتار

ۇقساس جاڭالىقتار