تاعايىنداۋ • 22 قاڭتار، 2021

اقسۋ قالاسىنا جاڭا اكىم تاعايىندالدى

19 رەت كورسەتىلدى

وسىعان دەيىن اكىم قىزمەتىن اتقارىپ كەلگەن بالعاباي ىبىراەۆ قالا باسشىسى قىزمەتىنەن ءوز ەركىمەن كەتتى. وبلىس اكىمى ابىلقايىر سقاقوۆ اقسۋ اكىمى قىزمەتىندە ەكى جىلدان استام ۋاقىت بويى اتقارعان جۇمىسى ءۇشىن بالعاباي ىبىراەۆقا العىسىن ءبىلدىردى، دەپ حابارلايدى Egemen.kz

"تۇرعىن ءۇي قۇرىلىسى بەلسەندى جۇرگىزىلدى، كوپتەگەن ءىرى الەۋمەتتىك جوبالار ىسكە اسىرىلدى، ءسىزدىڭ تاجىريبەڭىز بەن ءبىلىمىڭىز ءبىزدىڭ ءوڭىر تۇرعىندارى ءۇشىن پايدالى بولادى دەپ سەنەمىن. سىزگە الداعى جۇمىستارىڭىزعا تابىس، وتباسىڭىزعا اماندىق جانە زور دەنساۋلىق تىلەيمىن"، دەدى ءوڭىر باسشىسى بالعاباي ىبىراەۆقا.

1

اقسۋ قالاسىنىڭ اكىمى لاۋازىمىنا ۇسىنىلعان نۇرجان اشىمبەتوۆتىڭ كانديداتۋراسىن قالالىق ءماسليحات دەپۋتاتتارى ءبىراۋىزدان قولدادى. جاڭا قالا باسشىسىن تانىستىرا وتىرىپ، وبلىس اكىمى نۇرجان اشىمبەتوۆتىڭ بيلىكتىڭ اتقارۋشى جانە وكىلەتتى ورگاندارىندا مول تاجىريبەسى بار ەكەنىن اتاپ ءوتىپ، ونىڭ الدىنا ءبىرىنشى كەزەكتەگى مىندەتتەر قويدى.

"ونەركاسىپ ءوندىرىسىنىڭ، ەلەكتر ەنەرگياسىنىڭ ءوسۋىن، وڭدەۋ ونەركاسىبىن دامىتۋدى قامتاماسىز ەتۋ قاجەت. سونداي-اق ەكونوميكانى ءارتاراپتاندىرۋ، شاعىن جانە ورتا بيزنەستى، شاعىن يندۋستريالىق ايماقتاردى دامىتۋ جانە جەكە ينۆەستيتسيالاردى تارتۋ بويىنشا بەلسەندى جۇمىس جۇرگىزۋ قاجەت. اقسۋ اۋىلدىق ايماعىنىڭ الەۋەتى زور – بۇعان نازار اۋدارۋ كەرەك"، دەدى ءوڭىر باسشىسى.

بۇدان باسقا، اقسۋ قالاسىندا مەملەكەتتىك باعدارلامالاردى ىسكە اسىرۋ جانە تۇرعىن ءۇي قۇرىلىسىن اياقتاۋ وبلىس باسشىلىعىنىڭ ەرەكشە باقىلاۋىندا بولادى. نۇرجان اشىمبەتوۆ 1969 جىلى پاۆلودار وبلىسى لەبياجى اۋدانى چەرنوە اۋىلىندا دۇنيەگە كەلگەن. 1993 جىلى الماتى زووۆەتەرينارلىق ينستيتۋتىن «زووينجەنەر» ماماندىعى بويىنشا، 2002 جىلى الماتى ەكونوميكا جانە ستاتيستيكا ينستيتۋتىن «بۋحگالتەر-ەكونوميست» ماماندىعى بويىنشا، ال 2014 جىلى رەسەي حالىق شارۋاشىلىعى جانە مەملەكەتتىك قىزمەت اكادەمياسىن «مەملەكەتتىك جانە مۋنيتسيپالدىق باسقارۋ» ماماندىعى بويىنشا تامامداعان.

ەڭبەك جولىن 1993 جىلى پاۆلوداردا «ساۋلە» كونتسەرنىنىڭ قىزمەتكەرى بولىپ باستاعان. سول جىلى پاۆلودار مەملەكەتتىك م ۇلىك جونىندەگى اۋماقتىق كوميتەتىندە ىستەدى.

1994-1995 جىلدارى – «ماقسات» جاستار تۇرعىن ءۇي كووپەراتيۆىنىڭ مامانى.

1995 جىلدان پاۆلودار اۋماقتىق مەملەكەتتىك م ۇلىك كوميتەتىنىڭ مامانى، باس مامانى.

1996 جىلى USAID جوباسىنىڭ پاۆلودار وبلىسىنداعى «كارانا» كورپوراتسياسىنىڭ كەڭەسشىسى بولدى.

1996 جىلعى جەلتوقساننان 1997 جىلعا دەيىن «رەمەك» كونسالتينگتىك فيرماسىنىڭ ديرەكتورى، 1997-1998 جىلدارى لەبياجى اۋدانىنداعى وندىرىستىك كووپەراتيۆتىڭ توراعاسى، 1998-1999 جىلدارى سول اۋدانداعى اگروفيرمانىڭ ديرەكتورى.

1999 جىلى اقتوعاي اۋدانى اكىمىنىڭ ورىنباسارى بولىپ تاعايىندالدى.

2001 جىلدان 2006 جىلعا دەيىن لەبياجى اۋدانىنىڭ اكىمى قىزمەتىن اتقاردى. 2006-2008 جىلدارى پاۆلودار وبلىسى اۋىل شارۋاشىلىعى باسقارماسىنىڭ باسشىسى.

2008-2009 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى.

2009 جىلى پەتروپاۆل قالاسىنىڭ اكىمى بولىپ تاعايىندالدى. 2012-2016 جىلدارى پاۆلودار وبلىسى اكىمىنىڭ ورىنباسارى. 2016 جىلى پاۆلودار قالاسىنىڭ اكىمى لاۋازىمىنا تاعايىندالدى، ال 2018 جىلدان 2019 جىلعا دەيىن ەكىباستۇز قالاسىنىڭ اكىمى بولدى.

2019 جىلعى قىركۇيەكتە قازاقستان رەسپۋبليكاسى پارلامەنتى ءماجىلىسى VI شاقىرىلىمىنداعى دەپۋتاتى بولدى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار