كەشە استانادا «قازاقستان بوكس فەدەراتسياسىنىڭ كۋبوگى» رەسپۋبليكالىق تۋرنيرىنىڭ جارتىلاي فينالى ءوتتى.
كەشە استانادا «قازاقستان بوكس فەدەراتسياسىنىڭ كۋبوگى» رەسپۋبليكالىق تۋرنيرىنىڭ جارتىلاي فينالى ءوتتى.
بيىلعى باسەكە ەل بوكسىنىڭ 80 جىلدىق مەرەيتويىنا ارنالىپ وتىر.
وسى كۇنى استانا قالاسىنىڭ جانە وڭتۇستىك قازاقستان وبلىسىنىڭ كوماندالارى جارتىلاي فينالدا كەزدەسىپ, 6:5 ەسەبىمەن ۇتتى. ەكىنشى جارتىلاي فينالدا قاراعاندى وبلىسى جانە ماڭعىستاۋ وبلىسىنىڭ بوكسشىلارى شارشى الاڭعا شىقتى. وندا ماڭعىستاۋ وبلىسى قارسىلاستارىنان 7:3 ەسەبىمەن باسىم ءتۇستى.
تاعى ءبىر ايتا كەتەتىن نارسە, «قازاقستان بوكس فەدەراتسياسىنىڭ كۋبوگى» رەسپۋبليكالىق ءتۋرنيرىنىڭ جارتىلاي فينالى كەزىندە العاش رەت ءۇش سالماق دارەجەسى بويىنشا ايەلدەر اراسىنداعى جەكپە-جەكتەر ءوتتى. بوكس فەدەراتسياسىنىڭ حابارلاۋىنشا, كەلەسى تۋرنيردە ايەلدەر قۇراماسى ەرلەر قۇراماسىمەن بىرگە تەڭ دارەجەدە ونەر كورسەتەتىن بولادى.
بۇگىن ساعات 15.00-دە استانا قالاسى مەن ماڭعىستاۋ وبلىسى كوماندالارىنىڭ اراسىندا فينالدىق كەزدەسۋ وتەدى. فينالدان سوڭ قازاقستان بوكس فەدەراتسياسىنىڭ ەڭ ۇزدىك نوميناتسيالارى بويىنشا بيىلعى جىلدىڭ جەڭىمپازدارى مەن بوكس ارداگەرلەرى ماراپاتتالادى.
«ەگەمەن-اقپارات».
