قازاقستان • 22 قاڭتار، 2021

قازاقستاندا ساربازداردى SMS-حابارلاما ارقىلى اسكەرگە شاقىراتىن بولدى

25 رەت كورسەتىلدى

قورعانىس مينيسترلىگىندە 2020 جىلعا اسكەري قىزمەتكە شاقىرۋدىڭ قورىتىندىلارى شىعارىلىپ، الداعى اسكەرگە شاقىرۋ كەزەڭىنە ارنالعان مىندەتتەر بەلگىلەندى.

COVID-19 پاندەمياسى شاقىرۋ ناۋقانىنىڭ بارىسىنا ايتارلىقتاي اسەر ەتكەنىنە قاراماستان، 2020 جىلى 34 مىڭعا جۋىق ازامات اسكەري قىزمەتكە شاقىرىلدى. بۇل تۋرالى قر قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى گەنەرال-لەيتەنانت مۇرات بەكتانوۆتىڭ باسشىلىعىمەن وتكەن كەڭەيتىلگەن كەڭەس بارىسىندا ايتىلدى. بەينەكونفەرەنتس بايلانىس رەجيمىندەگى ءىس-شاراعا اسكەر تۇرلەرىنىڭ باس قولباسشىلارى، قورعانىس مينيسترلىگى دەپارتامەنتتەرىنىڭ باستىقتارى، قۇرىلىمدىق بولىمشەلەردىڭ باسشىلارى، باسقا دا اسكەرلەر مەن اسكەري قۇرالىمداردىڭ وكىلدەرى، اكىمدەردىڭ ورىنباسارلارى، دەنساۋلىق ساقتاۋ باسقارمالارىنىڭ باسشىلارى جانە وبلىستاردىڭ، رەسپۋبليكالىق ماڭىزى بار قالالاردىڭ قورعانىس ىستەرى جونىندەگى دەپارتامەنتتەرىنىڭ باسشىلارى قاتىستى.

«جالپى، وتكەن جىلعى شيەلەنىسكەن قيىندىقتار مەن ماسەلەلەر كەزىندە اسكەرلەردى شاقىرۋ مەن جاساقتاۋعا بايلانىستى بارلىق مىندەتتەردى شەشتىك. ەڭ باستىسى، ءبىز بولاشاقتا ءتيىمدى جۇمىس ىستەۋگە مۇمكىندىك بەرەتىن بەلگىلى ءبىر تاجىريبە الىپ، ماشىقتاندىق»،- دەدى گەنەرال-لەيتەنانت مۇرات بەكتانوۆ.

قورعانىس مينيسترلىگىنىڭ ورتالىق اسكەري-دارىگەرلىك كوميسسياسىنىڭ اقپاراتى بويىنشا، مەديتسينالىق كۋالاندىرۋ ساپاسى جاقساردى. ماسەلەن، 2019 جىلى اسكەري قىزمەتكە قاتىستى ەمەس 22 سىرقات ءتۇرى انىقتالعان. وتكەن جىلى راستالعانى ەكەۋ. سونىمەن قاتار، اسكەرگە شاقىرىلۋشىلاردىڭ بارلىعى مىندەتتى الەۋمەتتىك مەديتسينالىق ساقتاندىرۋ جۇيەسىمەن قامتىلماعان، سوندىقتان العاشقى مەديتسينالىق كۋالاندىرۋدان كەيىن ودان ءارى ەمدەۋ ماقساتىندا ولارعا قاجەتتى مەديتسينالىق قىزمەتتەر ءاردايىم قولجەتىمدى بولا بەرمەيدى. بۇل ءۇشىن اسكەري-دارىگەرلىك كوميسسيا (ادك) ماماندارىنىڭ دەنساۋلىق ساقتاۋ مينيسترلىگىنىڭ اقپاراتتىق جۇيەلەرىنە قولجەتىمدىلىگى قامتاماسىز ەتىلەتىن بولادى.

سونداي-اق، اسكەرگە شاقىرۋ ناۋقانى كەزىندە اسكەرگە شاقىرىلۋشىلاردى ۋاقتىلى حاباردار ەتۋ ماسەلەلەرى تولىق شەشىلگەن جوق. وسىعان بايلانىستى «ەلەكتروندى ۇكىمەتتىڭ» دەرەكتەر بازاسىمەن ينتەگراتسيالاۋ بويىنشا جۇمىس جۇرگىزىلۋدە، بۇل اسكەرگە شاقىرىلۋشىلاردى بەلگىلەۋدى جەڭىلدەتەدى جانە ولاردى SMS-حابارلامالار ارقىلى ۋاقتىلى حاباردار ەتۋدى قامتاماسىز ەتەدى.

كەڭەس قورىتىندىسى بويىنشا جەرگىلىكتى اتقارۋشى ورگاندارىنىڭ قورعانىس ىستەرى جونىندەگى دەپارتامەنتتەرىمەن، باسقا دا اسكەرلەرمەن جانە اسكەري قۇرالىمدارمەن ءىس-ارەكەتىن ۇيلەستىرۋگە، ۋاقتىلى جانە ساپالى شاقىرتۋدى قامتاماسىز ەتۋگە باعىتتالعان شەشىمدەر قابىلداندى.

قر قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى مۇرات بەكتانوۆ قازاقستان اسكەرىنىڭ بەدەلىن ارتتىرۋعا جانە اسكەري قىزمەتكە دەگەن ىنتانى ارتتىرۋعا ىقپال ەتەتىن اسكەرگە شاقىرۋعا دەيىنگى جاستاردى اسكەري-پاتريوتتىق تاربيەلەۋ جونىندەگى جۇمىستى كۇشەيتۋ قاجەتتىگىنە ەرەكشە نازار اۋداردى.

سوڭعى جاڭالىقتار

COVID-19: سىرى قاشان اشىلار؟..

كوروناۆيرۋس • بۇگىن، 08:35

العىس ارقالاعان ازامات

مەديتسينا • بۇگىن، 08:34

جاقسىلىق جاساساڭ، اۋىلىڭا جاسا

مەديتسينا • بۇگىن، 08:31

العا باسقان ازاماتتىق قوعام

قازاقستان • بۇگىن، 08:26

اقىن داڭقى الاسارمايدى

رۋحانيات • بۇگىن، 08:25

كورشى ءوڭىردىڭ كومەگى

ءبىلىم • بۇگىن، 08:25

ءوڭىردىڭ وركەندەۋى – ورتاق يگىلىك

وڭتۇستىك قازاقستان • بۇگىن، 08:22

ءۇمىت وتىن لاۋلاتقان...

ايماقتار • بۇگىن، 08:22

عۇلاما عالىم، كورنەكتى قايراتكەر

قازاقستان • بۇگىن، 08:19

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

ءار سۋرەتتە – ءومىر ساۋلەسى

ايماقتار • بۇگىن، 08:13

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار