اسسامبلەيا كەڭەسىنىڭ وتىرىسى

كەشە قازاقستان رەسپۋبليكاسىنىڭ مەم­لەكەتتىك حاتشىسى – سىرتقى ىستەر مي­نيسترى قانات ساۋداباەۆتىڭ قا­تىسۋىمەن قازاقستان حالقى اسسامبلەياسى كەڭەسىنىڭ وتىرىسى ءوتتى. قانات بەكمىرزا­ ۇلى ءوز سوزىندە كەڭەس مۇشەلەرىن اسسام­بلەيا­نىڭ 15 جىلدىق مەرەيتويىمەن قۇتتىقتادى, قازاقستاننىڭ ەقىۇ-عا توراعالىعى ايا­سىن­داعى اسسامبلەيانىڭ ءرولى مەن مىندەتتەرىنە توقتالدى. “قازاقستاننىڭ ەقىۇ-عا ءتور­اعا­لىعى – اعىمداعى جىلدىڭ ساياسي باسىم­دىق­تارىنىڭ باستىسى. ەلىمىز ءوزىنىڭ ەتنوس­ارا­لىق جانە كونفەسسياارالىق كەلىسىم, ءتوزىم­دىلىك پەن مادەنيەتارالىق ۇنقاتىسۋ بويىن­شا وڭ تاجىريبەسىن ەقىۇ اۋماعىنىڭ نەگىزگى باسىمدىعىنا اينالدىرۋعا ۇمتى­لادى”, – دەدى مەملەكەتتىك حاتشى – سىرت­قى ىستەر ءمينيسترى. سونىمەن قاتار, ق.ساۋداباەۆ ەلبا­سىنىڭ “جاڭا ونجىلدىق – جاڭا ەكونوميكالىق ورلەۋ – قازاق­ستاننىڭ جاڭا مۇمكىندىكتەرى” اتتى قازاق­ستان حالقىنا جولداۋىن ىسكە اسىرۋعا اسسامبلەيانىڭ بەلسەندى قاتىسىپ جاتقانىن اتاپ كورسەتتى. وتىرىس بارىسىندا كەڭەس مۇشەلەرى قازاقستاننىڭ ەل بىرلىگى دوكتريناسى جو­باسىن پىسىقتاۋ جونىندەگى قوعامدىق كوميس­سيانىڭ ۇسىنىستارىن قارادى. قوعامدىق كوميسسيا مۇشەلەرى د. نۇر-احمەت جانە ل.ن.گۋ­مي­لەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ب.ءابدى­رايى­موۆ اتالعان قۇجاتتىڭ جوباسىن تولىقتىرۋ جانە تالقىلاۋ ناتيجەلەرى, وسى جۇمىستىڭ اشىق جانە ازاماتتار تارا­پىنان اسقان مۇددەلىلىكپەن جۇرگىزىلگەنى تۋرالى ايتىپ, كەڭەس مۇشەلەرىن جوبانىڭ نەگىزگى باعىتتارىمەن تانىستىردى. اسسامبلەيا كەڭەسى ەل بىرلىگى دوكتريناسى جوباسىن ماقۇلداۋ تۋرالى شەشىم قابىلدادى. سونىمەن قاتار, اسسامبلەيا كەڭەسىنىڭ مۇشەلەرى الماتى وبلىسىنداعى سۋ تاسقىنىنان زارداپ شەككەندەرگە قولداۋ كورسەتۋ ماسەلەسىن تالقىلادى. قازاقستان حالقى اسسامبلەياسىنىڭ الماتى وبلىسىنداعى سۋ تاسقىنىنان زارداپ شەككەندەرگە قولداۋ كورسەتۋ شتابىنىڭ باسشىسى ز.كاسانوۆتىڭ وسى ۋاقىتقا دەيىن اتقارىلعان جۇمىستار مەن قىزىلاعاش اۋىلىنا الەۋمەتتىك ماڭىزدى وبەكتىلەر سالۋ تۋرالى اقپاراتى تىڭدالدى. ول “قىزىلاعاشتاعى جاعداي حالىقتىڭ اۋىزبىرشىلىگى, اۋىر جاعدايدا قولۇشىن بەرۋ, قولداۋ كورسەتۋگە دايىن ەكەندىگىن كورسەتتى. اسسامبلەيا مۇشەلەرى, استانا, الماتى قالالارى مەن وبلىستىق بولىمشەلەرى ءبىر كۇندىك جالاقىلارىن اۋداردى, 8,5 ملن. تەڭگەگە ازىق-ت ۇلىك جىبەرىپ, 8 ملن. تەڭگە قارجى قوستى. قىزىلاعاش اۋىلىنىڭ تۇرعىندارىنا اس بەرىپ, كەزدەسۋلەر وتكىزدى. سونىمەن قاتار, اسسامبلەيا اۋىل جاستارىنا ارنالعان سپورت زالى مەن تۇرعىندارعا مونشا كەشەنىن سالىپ بەرۋدى مىندەتىنە الىپ, 96 ملن. تەڭگەلىك سمەتالىق جوبا جاسادى”, – دەدى ز.كاسانوۆ. كەڭەس اتالعان شتاب ارقىلى زارداپ شەككەندەرگە باعىتتى كومەك كورسەتۋدى جالعاستىرۋ تۋرالى شەشىم قابىلدادى. اسقار تۇراپباي ۇلى.