وداقتىڭ پاندەمياعا قارسى ۆاكتسينا قولدانۋعا رۇقسات بەرگەنىنە ءبىر اي بولدى. باي ەلدەردىڭ ۆاكتسيناعا وڭاي قول جەتكىزۋى جانە ىندەتپەن كۇرەستەگى باستى ءۇمىتتىڭ بارلىعىنا بىردەي بەرىلمەۋى كوپ سىنعا ۇشىرادى. سوعان بايلانىستى بريۋسسەل جاڭا جوسپار جاسادى.
ەۋروپالىق وداقتىڭ كوميسسارى مارگاريتا شيناستىڭ ايتۋىنشا, پاندەميانىڭ سوڭى جاقىن بولۋى مۇمكىن, بىراق وعان ءالى تولىق قول جەتكەن جوق. ۆيرۋستىڭ جاڭا شتاممدارىنىڭ پايدا بولۋى مەن اۋرۋلار سانىنىڭ ارتۋى الەمدى ءالى دە الاڭداتىپ وتىر. ول قازىر ەۋروپا بۇرىنعىدان دا باتىل ارەكەت ەتۋى, بىرلىك پەن قىراعىلىق تانىتۋ كەرەك ەكەنىن باسا ايتتى.
بۇل ارەكەتتەردىڭ بارلىعى تۋريزم سالاسىنا يەك ارتقان ەۋروپا ەلدەرىنىڭ تۇرالاپ قالعان ەكونوميكانى قايتا قالپىنا كەلتىرۋگە جاساعان ارەكەتىمەن بايلانىستى. مەملەكەت جانە ۇكىمەت باسشىلارى بۇل جوسپاردى تاعى دا تالقىلايدى.
ەۋروكوميسسيا سونداي-اق ۆاكتسينا سالىنعانىن راستايتىن قۇجات ەنگىزۋدى ۇسىنىپ وتىر. سوندا عانا ەو شەكاراسىندا ەركىن قوزعالىسقا رۇقسات بەرۋگە بولاتىنىن مەڭزەگەن ۇيىم باسشىلىعى بۇل ماسەلەنى مۇشە ەلدەردىڭ باسشىلارىنىڭ تالقىسىنا سالماقشى.
دايىنداعان
رابيعا نۇرعالي
