پرەزيدەنت • 21 قاڭتار، 2021

الماتىدا كارانتيندى بۇزعاندارعا 3،5 ملن تەڭگە ايىپپۇل سالىندى

23 رەت كورسەتىلدى

الماتى سوتىنا كارانتيندىك شارالاردى بۇزعانى ءۇشىن تاعى دا 7 مەكەمەگە قاتىستى ماتەريالدار بەرىلدى، دەپ حابارلايدى Egemen.kz

الماتى قالاسىنىڭ اكىمىنىڭ تاپسىرماسى بويىنشا مەگاپوليستە 32 مونيتورينگتىك توپ كۇشەيتىلگەن رەجىمدە جۇمىسىن جالعاستىرۋدا. باستى مىندەت – كارانتيندىك شارالاردىڭ ساقتالۋىن باقىلاۋ، كوروناۆيرۋستىق ينفەكتسيانىڭ تارالۋىنا جول بەرمەۋ ءۇشىن ءتارتىپ بۇزۋشىلىق فاكتىلەرىنىڭ جولىن كەسۋ، سونداي-اق ءتۇسىندىرۋ جۇمىستارىن جۇرگىزۋ.

اعىمداعى جىلدىڭ باسىنان باستاپ 1-19 قاڭتار ارالىعىندا 221 ءىس-شارا وتكەن. ونىڭ بارىسىندا 1634 نىسان تەكسەرىلىپ، 60 نىساندا كارانتيندىك شارالاردىڭ بۇزىلعانى انىقتالىپ وتىر. وسى بويىنشا 35 حاتتاما تولتىرىلسا، ونىڭ ىشىندە زاڭدى تۇلعالارعا 2 610 715 تەڭگە سوماسىنا 15 حاتتاما، جەكە تۇلعالارعا قاتىستى بەتپەردە رەجيمىن بۇزعانى ءۇشىن 875 100 تەڭگە سوماسىنا 25 حاتتاما جازىلعان.

بۇعان دەيىن سوت 19 كاسىپكەرلىك سۋبەكتىسىنە قاتىستى قىزمەتىن توقتاتا تۇرۋ جانە ايىپپۇل سالۋ تۋرالى شەشىم شىعارعان بولاتىن. بۇگىنگى كۇنى سوتقا 462-باپتىڭ 3-بولىگى بويىنشا قوسىمشا 7 ماتەريال بەرىلدى:

الاتاۋ اۋدانى بويىنشا 3 ماتەريال: «جاقسىلىق» ءدامحاناسى، «تسەنتر شاشلىكا» ءدامحاناسى، «پارۆاز» ءدامحاناسى ( قىزمەتى 1 ايعا توقتاتىلدى، ايىپپۇل-100 اەك);

المالى اۋدانى بويىنشا 1 ماتەريال «فينيك» مەيرامحاناسى بويىنشا;

جەتىسۋ اۋدانى بويىنشا نيازوۆ ج.ا. كومپيۋتەرلىك كلۋبىنا 1 ماتەريال.;

ناۋرىزباي اۋدانى بويىنشا  2 ماتەريال: «پرەمەرا» ءدامحاناسى، «تاۋجولى» ءدامحاناسى (قىزمەتىن 1 ايعا توقتاتۋ، ايىپپۇل-100 اەك).

الماتى اكىمدىگى مەگاپوليس تۇرعىندارى مەن قوناقتارىن بەتپەردە رەجىمىن جانە الەۋمەتتىك قاشىقتىقتى قاتاڭ ساقتاۋعا، جەكە گيگيەنا شارالارىن ساقتاۋعا شاقىرادى. بۇل دەنساۋلىق ساقتاۋ شارالارى اسىرەسە ازاماتتاردىڭ ەڭ وسال ساناتتارىنا – بالالارعا، قارتتارعا، سونداي-اق سوزىلمالى اۋرۋلارى بار ادامدارعا قاتىستى. سونداي-اق، قوعامدىق كولىكتەردە ساقتىق شارالارىن ساقتاۋ ماڭىزدى.

كاسىپكەرلىك سۋبەكتىلەرى پاندەميا جانە اۋقىمدى جۇقتىرۋدىڭ جاڭا تولقىنى قاۋپى كەزەڭىندە قاۋىپسىزدىك شارالارىنىڭ تالاپتارىن بۇلجىتپاي ساقتاۋى قاجەت – بۇل قىزمەتكەرلەر مەن كەلۋشىلەردىڭ تەرمومەترياسى، الەۋمەتتىك قاشىقتىق پەن بەتپەردە رەجيمىنىڭ ساقتالۋىن، جەكە قورعانىش قۇرالدارىنىڭ (بەتپەردەلەر، قولعاپتار) اۋىسۋىن، سانيتايزەرلەردىڭ جانە دەزينفەكتسيالاۋ قۇرالدارى قورىنىڭ بولۋىن، ءۇي-جايلاردىڭ جەلدەتىلۋىن قامتاماسىز ەتۋ. جوعارىدا اتالعان تالاپتاردىڭ بۇزىلۋى ۇيىم قىزمەتكەرلەرى اراسىندا سىرقاتتانۋشىلىققا جانە كاسىپورىنداردىڭ جۇمىسىن توقتاتۋعا اكەپ سوعادى.

الماتى قالاسى سانيتارلىق-ەپيدەميالىق باقىلاۋ دەپارتامەنتى باسشىسىنىڭ ورىنباسارى سادۋاقاس بايعابىلوۆ قوعامدىق كولىكتە الەۋمەتتىك قاشىقتىق پەن بەتپەردە رەجىمىن ساقتاۋدىڭ ماڭىزدىلىعىن، سانيتايزەرلەردىڭ بولۋىن اتاپ ءوتتى.

«قوعامدىق كولىكتە شەكتەۋ كارانتيندىك شارالارىن بۇزعانى ءۇشىن بەتپەردە رەجيمىن ساقتامايتىن جەكە تۇلعالارعا 30 اەك مولشەرىندە ايىپپۇل، ال تاسىمالداۋشىلارعا شاعىن، ورتا نەمەسە ءىرى بيزنەسكە تيەسىلىگىنە قاراي ايىپپۇل 230 اەك-تەن 1600 اەك-كە دەيىن قۇرايدى»، دەدى س.بايعابىلوۆ.

ەستەرىڭىزگە سالا كەتەيىك، الماتى قالالىق سەبد مالىمەتتەرى بويىنشا، مەگاپوليستە 1 قاڭتاردان باستاپ كوروناۆيرۋستىق ينفەكتسيا اۋرۋىنىڭ كۇن سايىن ءوسۋى بايقالادى. بۇگىنگى كۇنى 20 مىڭنان استام جاعداي تىركەلىپ، الماتى قالاسى «سارى ايماققا» ەندى.

سوڭعى جاڭالىقتار

العا باسقان ازاماتتىق قوعام

قازاقستان • بۇگىن، 08:26

ماقتانىشىم مەن ساعىنىشىم

قازاقستان • بۇگىن، 08:15

جاقسىلىققا جەتەلەگەن جوبا

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار