«قالالىق پوليتسيا باسقارماسى جەدەل باسقارۋ ورتالىعىنىڭ «102» پۋلتىنە توناۋ دەرەگى تۋرالى حابار ءتۇستى. مەديتسينالىق ماسكا كيگەن ەر ادام كاسسا قىزمەتكەرىن پىشاقپەن قورقىتقان. ءسويتىپ, كاساداعى اقشانى قولدى ەتىپ, وقيعا ورنىنان بوي تاسالاعان. جەدەل-ىزدەستىرۋ شاراسىن جۇرگىزگەن پوليتسيا قىزمەتكەرلەرى كۇدىكتىنى 10 ساعاتتان سوڭ ۇستادى. كۇدىكتى بۇرىن سوتتالعان, جىلىوي اۋدانىنىڭ ورتالىعى – قۇلسارى قالاسىنىڭ 31 جاستاعى تۇرعىنى بولىپ شىقتى. شاعىن نەسيە بەرەتىن كەڭسە بەينەباقىلاۋ جۇيەسىمەن جابدىقتالماعان, مۇندا كۇزەتشى دە جوق. توناۋدى ماقسات ەتكەن كۇدىكتى مۇنىڭ ءبارىن الدىن الا بىلگەن», دەپ حابارلادى دەپارتامەنتتىڭ ءباسپاسوز قىزمەتىنەن.
قازىر كۇدىكتىگە قاتىستى قر قىلمىستىق كودەكسىنىڭ 192-بابىنىڭ 1-بولىگىمەن سوتقا دەيىنگى تەرگەۋ باستالدى. كۇدىكتى ۋاقىتشا ۇستاۋ يزولياتورىنا قامالدى.
