قازاقستان • 21 قاڭتار، 2021

بۇۇ دامۋ باعدارلاماسى مەملەكەتتىك قىزمەتتەردىڭ قولجەتىمدىلىگىن وڭ باعالادى      

220 رەت كورسەتىلدى

بۇگىن قر مەملەكەتتىك قىزمەت ىستەرى اگەنتتىگى جانە قازاقستانداعى بۇۇ دامۋ باعدارلاماسىنىڭ وكىلدىگىمەن اگەنتتىك توراعاسى انار جايلعانوۆانىڭ جانە قازاقستانداعى بۇۇدب تۇراقتى وكىلى ياكۋپ بەريشتىڭ قاتىسۋىمەن «مەملەكەتتىك اپپاراتتى كاسىبيلەندىرۋ تەتىكتەرىن جەتىلدىرۋ، مەملەكەتتىك قىزمەتتەردىڭ ساپاسىن قامتاماسىز ەتۋ جانە سىبايلاس جەمقورلىقتىڭ الدىن الۋ» جوباسىن باسقارۋ جونىندەگى كوميتەتتىنىڭ ونلاين وتىرىسى ءوتتى، دەپ حابارلايدى Egemen.kz

وتىرىس شەڭبەرىندە اگەنتتىك پەن بۇۇدب-نىڭ ءۇش جىلدىق بىرلەسكەن جوباسىن ىسكە اسىرۋدىڭ قورىتىندىلارى شىعارىلدى.

ونلاين-وتىرىس بارىسىندا اگەنتتىك توراعاسى انار جايلعانوۆا بۇۇدب تۇراقتى وكىلى ياكۋپ بەريشكە سىندارلى ىنتىماقتاستىعى ءۇشىن العىس ايتىپ، وتكەن جىلى بىرلەسكەن كۇش-جىگەرمەن جۇزەگە اسىرىلعان جۇمىستاردىڭ ناتيجەلەرىنە توقتالىپ ءوتتى.

«اتاپ ايتقاندا، بۇۇدب قولداۋىمەن وتكەن جىلى مەملەكەتتىك قىزمەت كورسەتۋ ساپاسىن انىقتاۋ، مەملەكەتتىك قىزمەتشىلەردىڭ ەتيكالىق دەڭگەيىن قوعامنىڭ قابىلداۋى، iQyzmet پلاتفورماسىنىڭ پيلوتتىق نۇسقاسىن ازىرلەۋ باعىتىندا سەمينارلار مەن زەرتتەۋلەر وتكىزۋ بويىنشا جوبالار ىسكە اسىرىلدى»، دەدى ا.جايلعانوۆا.

اتاپ ايتقاندا، بۇۇدب قولداۋىمەن مەملەكەتتىك قىزمەتشىلەردىڭ ادەپتىلىك دەڭگەيىن انىقتاۋ ءۇشىن 7000 رەسپوندەنت جانە مەملەكەتتىك قىزمەتتەردىڭ 70 ءتۇرىنىڭ ساپاسى مەن قولجەتىمدىلىگى بويىنشا قىزمەت الۋشىلاردىڭ قاناعاتتانۋ دەڭگەيىن انىقتاۋ ءۇشىن 9181 رەسپوندەنتتەن ساۋالناما الىندى، ناتيجەسىندە تۇرعىنداردىڭ قاناعاتتانۋىنىڭ ورتاشا دەڭگەيى 75،1%-دى قۇرادى.

تسيفرلىق فورماتتا مەملەكەتتىك قىزمەتتەردى الۋدا حالىققا پراكتيكالىق كومەك كورسەتۋ ءۇشىن 400 ەرىكتىنىڭ قاتىسۋىمەن ۇسىنىمدار ازىرلەندى جانە ارنايى جەلى قالىپتاستىرىلدى.

بۇۇدب قولداۋىمەن پرەزيدەنتتىك جاستار كادر رەزەرۆى، اگەنتتىكتىڭ IT-ارحيتەكتۋراسى مەن تەحنيكالىق جابدىقتالۋىن قۇرۋ بويىنشا جوبالار جۇزەگە اسىرىلۋدا.

بۇۇدب-نىڭ قازاقستانداعى تۇراقتى وكىلى ياكۋپ بەريش اگەنتتىكتىڭ COVID-19 پاندەمياسى كەزەڭىندەگى ماڭىزدى ۇيلەستىرۋشى ءرولىن اتاپ ءوتتى.

ول قانداي دا ءبىر سىن-قاتەرلەرگە قاراماستان، مەملەكەتتىك قىزمەت كورسەتۋدىڭ قولجەتىمدىلىگىن، ساپاسىن جانە جەدەلدىگىن قامتاماسىز ەتۋ قاجەت ەكەنىن جانە بۇعان اگەنتتىك پەن بارلىق مەملەكەتتىك اپپاراتتىڭ ۇيلەسىمدى ءىس-قيمىلىنىڭ ارقاسىندا قول جەتكىزىلگەنىن اتاپ ءوتتى.

پاندەميا ساندىق قىزمەتتەردىڭ ماڭىزدىلىعىن اشتى. قازاقستان وسى باعىتتا جەتەكشى ەلدەر اراسىندا ماڭىزدى ءرول اتقارادى جانە بۇۇدب-نىڭ قازاقستانداعى وكىلدىگى ءوز تاجىريبەسىمەن بولىسۋگە دايىن ەكەندىكتەرىن جەتكىززدى.

بۇۇدب تۇراقتى وكىلى ياكۋپ بەريش مەملەكەتتىك قىزمەت ىستەرى اگەنتتىگىنە ءوزارا سەنىمگە، تۇسىنىستىككە جانە سينەرگياعا نەگىزدەلگەن ءتيىمدى ارىپتەستىك ءۇشىن العىسىن ءبىلدىرىپ، اگەنتتىكتىڭ العا قويعان باسىمدىقتارى ەلدىڭ تۇراقتى دامۋىنا باعىتتالعان بۇۇدب ماقسات-مىندەتتەرىمەن سايكەس كەلەتىنىنە سەنىم ءبىلدىردى.

ونلاين وتىرىس سوڭىندا انار جايلعانوۆا وسى جىلى دا  اگەنتتىك بۇۇدب-مەن سەرىكتەستىك كوكجيەگىن ودان ءارى دامىتا بەرەتىنىن ايتتى.

سوڭعى جاڭالىقتار

العا باسقان ازاماتتىق قوعام

قازاقستان • بۇگىن، 08:26

اقىن داڭقى الاسارمايدى

رۋحانيات • بۇگىن، 08:25

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

ۇقساس جاڭالىقتار