بانك مالىمەتىنشە, كوميتەت مەملەكەت باسشىسىنىڭ تاپسىرماسىمەن قۇرىلىپ وتىر.
«بۇل كوميتەت ۇلتتىق بانكتىڭ باسقارماسىمەن جانە ديرەكتورلار كەڭەسىمەن قوسا جۇمىس اتقارىپ جۇرگەن قىزمەتكەرلەردەن تۇراتىن ءۇشىنشى ورگان بولادى. اقشا-كرەديت ساياساتى كوميتەتىنىڭ قۇزىرەتىنە بازالىق مولشەرلەمە تۋرالى شەشىمدەر قابىلداۋ, اقشا-نەسيە ساياساتىنىڭ نەگىزگى وپەراتسيالارى بويىنشا پايىزدىق مولشەرلەمەنى بەلگىلەۋ جانە ۇلتتىق بانك باسقارماسىنىڭ ايرىقشا قۇزىرەتىنە كىرمەيتىن اقشا-كرەديت ساياساتىنىڭ باسقا ماسەلەلەرى بويىنشا شەشىم قابىلداۋ كىرەدى. ورتا مەرزىمدى پەرسپەكتيۆادا كوميتەت قۇرامىنا ماكروەكونوميكا مەن اقشا-كرەديت ساياساتىندا مامانداندىرىلعان جانە مول تاجىريبەسى بار تاۋەلسىز مۇشەلەر الىنادى», دەلىنگەن ۇلتتىق بانكتىڭ حابارلاماسىندا.
