ينۆەستيتسيا: دەرەك پەن دايەك

ونىڭ 15,1 ميلليارد تەڭگەسى رەسپۋبليكالىق, ال 4,0 ميلليارد تەڭگەسى وبلىستىق بيۋدجەتتەن بو­لى­نەتىن بولادى. قازىرگى تاڭدا وبلىستا 200 نىساندى قايتا جا­راق­تاندىرۋ جۇمىستارى جۇرگى­زىلۋ­دە. ءبىلىم جۇيەسىندە 10 نىسان سا­لى­نىپ جاتسا, الدا تاعى دا جە­تەۋى­نىڭ قۇرىلىستارى باستالادى. سون­داي-اق 5 ەمدەۋ مەكەمەسىنىڭ عي­ماراتى سالىنۋدا. 3 مادەنيەت, 3 سپورت, 7 كوممۋنالدىق شارۋا­شى­­لىق, 22 اۋىز سۋ جۇيەسى, 3 تا­بي­عات قورعاۋ نىسانى جوندەلۋدە, قال­عاندارى جاڭادان بوي كوتەرىپ كەلەدى. ساتىبالدى ءساۋىرباي, اقتوبە.

9 500 000 000 قاراعاندى وبلىسىندا 6 جىل ىشىندە ايماقتىق “اۋىز سۋ” باعدارلاماسى بويىنشا وسىنشا ميلليارد تەڭگە يگەرىلگەن ونى ورىنداۋ كەزەڭىندە ءوڭىردىڭ 103 ەلدى مەكەنىنە اۋىز سۋ بەرۋدى تۇراقتاندىرۋعا مۇمكىندىك تۋدى. جالپى العاندا, 600 مىڭنان استام تۇرعىندى تازا سۋ­مەن قامتاماسىز ەتۋگە قول جەت­كى­زىلدى. بۇل ماقساتتا 1219 شاقىرىم قۇبىر تارتىلىپ, ولار 31 اۋىلدا قايتا جاڭار­تىل­دى. سونىڭ ىشىندە توقىراۋىن-بالقاش ما­گيس­ترالدى سۋ اعى­نى­نىڭ قالپىنا كەلتىرىلۋى بالقاش قالاسىنا, قوڭىرات, شاشۋباي كەنتتەرىنە سۋ جەت­كىزىلۋىن جولعا قويدى. جايرەم مەن قاراجال قالالارىن سۋمەن قامتاماسىز ەتۋ ماسەلەسى جاقىن ارادا شەشىلگەلى تۇر. كەلەسى جىلدا وسى باعىتتا 21 جوبا ىسكە اسىرىلماقشى. ايقىن نەسىپباي, قاراعاندى وبلىسى.

4 884 200 000 “جول كارتاسى” باعدارلاماسى بويىنشا ۇستىمىزدەگى جىلى قىزىلوردا وبلىسىنا ينۆەستيتسيالىق جوبالاردى جۇزەگە اسىرۋعا وسىنشاما تەڭگە بولىنگەن. وسىنشاما قارجىعا بارلىعى 128 جوبا جۇزەگە اسىرىلادى دەپ كۇتىلۋدە. ءتورت باعىت بويىنشا جۇرگىزىلەتىن اۋقىمدى شارا نە­گى­زىندە 5291 جاڭا جۇمىس ورىن­دارىن اشۋ كوزدەلگەن. اتالعان باعىتتار تۇرعىن ءۇي-كوممۋنال­دىق شارۋاشىلىق جۇيەسىن دا­مى­­تۋ, جەرگىلىكتى ماڭىزداعى اۆ­توكولىك جولدارىن سالۋ جانە جوندەۋ, مەكتەپتەردى, اۋرۋحانا­لار­دى جانە وزگە دە الەۋمەتتىك وبەكتىلەردى جوندەۋ, سونداي-اق قالالاردى, ەلدى مەكەندەردى كوركەيتۋدى كوزدەيدى. ەركىن ءابىل, قىزىلوردا وبلىسى.

76 971 “نۇر وتان” حالىقتىق-دەموكراتيالىق پارتياسى وبلىستىق ۇيىمىندا وسىنشاما مۇشە بار. بۇگىندە ءوڭىردىڭ الەۋمەتتىك-ەكونوميكالىق, مادەني دامۋىنا باسشىلىق جاسايتىن وبلىستىق پارتيا ۇيىمىنىڭ قاتارىندا 76971 بەلسەندى مۇشە بار بولسا,  ولاردىڭ 20190-ى وزگە ۇلتتىڭ وكىلدەرى. دەسەك تە, ولاردىڭ ماق­سات-مۇددەسى – تاۋەلسىز ەلىمىزدەگى ەلباسىنىڭ ساياساتىن قولداۋ, قوعامدى دەموكراتيالاندىرۋ مەن تاتۋلىق جانە ۇلتارالىق كەلىسىمگە قول جەتكىزۋ. تىلەك پەن كۇش بىرىكتىرگەن پارتيا مۇشە­لەرىنىڭ بۇل باعىتتاعى جۇمىس­تا­رى ناتيجەلى ەكەندىگىن كۇن ساي­ىن­عى جۇمىستارى دالەلدەي تۇسۋدە. كۇمىسجان بايجان, الماتى وبلىسى.