«ەۋرازيالىق ۇكىمەتارالىق كەڭەستىڭ وتىرىسى 5 اقپاندا وتەدى, بۇل كوزدەسۋ ونلاين ەمەس, ءداستۇرلى, وفلاين فورماتىندا وتەدى», – دەدى ول سارسەنبىدەگى بريفينگتە.
سونىمەن بىرگە Digital Almaty تسيفرلىق فورۋمى وتەدى, ونىڭ شەڭبەرىندە كوميسسيانىڭ باسقارما توراعاسى ميحايل مياسنيكوۆيچ ءسوز سويلەيدى دەپ جوسپارلانعان. ەەك ءباسپاسوز قىزمەتى تۇسىندىرگەندەي, الداعى ۇكىمەتارالىق كەڭەستىڭ كۇن ءتارتىبى 29 قاڭتاردا ەاەو كەڭەسىنىڭ وتىرىسىندا بەكىتىلەدى. 2014 جىلعى 29 مامىرداعى ەۋرازيالىق ەكونوميكالىق وداق تۋرالى كەلىسىمگە سايكەس, ەۋرازيالىق ۇكىمەتارالىق كەڭەس جوعارى ەۋرازيالىق ەكونوميكالىق كەڭەستىڭ كەلىسىمى مەن شەشىمدەرىنىڭ ورىندالۋىن باقىلاۋدى قامتاماسىز ەتەدى. سونىمەن قاتار, كەڭەس ەەك-كە نۇسقاۋلار بەرەدى جانە وداق شەڭبەرىندە كەلىسىمدەردە كوزدەلگەن باسقا دا وكىلەتتىكتەردى جۇزەگە اسىرادى. كەڭەس وداققا مۇشە مەملەكەتتەر اراسىنداعى ينتەگراتسيالىق ىنتىماقتاستىقتىڭ ىرگەلى ماسەلەلەرىنىڭ ماڭىزدى بولىگىن دە قاراستىرادى.
