«جۇمىسشىلارعا كۇنىنە 3200 تەڭگەدەن ەڭبەك اقىسىن تولەۋدەمىز. قىرىققاباتتىڭ ەۆرەيلەر ويلاپ تاپقان «ۆاليكور» اتتى سورتىن تامشىلاتىپ سۋارۋ تەحنولوگياسىمەن ەگىپ جاتىرمىز. نەگىزىنەن 2 ايدىڭ كولەمىندە ەككەن ەگىنىمىز ءپىسىپ جەتىلەدى. ەگىلگەن كوشەتتىڭ ءۇستىن جاپقىشپەن جاۋىپ, جاۋىن-شاشىننان قورعايمىز. ەڭ باستىسى – كۇتىپ-باپتاۋعا ۇلكەن ءمان بەرىلۋى كەرەك», دەدى قوجالىق باسشىسى ش.كۋشەرباەۆ.
ەرتە پىسەتىن قىرىققابات ونىمىنە ەۋروپالىقتار مەن رەسەيلىكتەر تاراپىنان سۇرانىس وتە جوعارى. قىرىققابات داقىلى ەرتە پىسەتىندىكتەن, ماقتاارالدىق ديقاندار ونىڭ سوڭىنان قاۋىن-قاربىز, ماقتا سياقتى داقىلداردى ەگۋگە كىرىسەدى. وسىلايشا جەر ەمگەن شارۋالار جىلىنا ەكى رەت, ءتىپتى ءۇش رەت ءونىم الادى.
ايتا كەتەلىك, بيىل اۋداندا 1342 گەكتار القاپقا كوكونىس ەگىلەتىن بولسا, سونىڭ 500 گەكتاردان استامىنا قىرىققابات ەگۋ جوسپارلانۋدا.
