ايماقتار • 20 قاڭتار، 2021

تۇركىستان وبلىسىندا 7 جاڭا مەديتسينالىق نىسان سالىنۋدا

14 رەت كورسەتىلدى

تۇركىستان وبلىسىندا مەديتسينالىق ينفراقۇرىلىمدى دامىتۋ ماقساتىندا 78،5 ملرد تەڭگەگە 7 جاڭا نىسان سالىنۋدا. وڭىردە كۇردەلى جوندەۋدەن وتكەن 8 ەمدەۋ نىساننىڭ التاۋى پايدالانۋعا بەرىلگەن.

قوعامدىق دەنساۋلىق باسقارماسىنىڭ وتكەن جىلعى قىزمەتى قورىتىندىلانىپ، ەرتەڭگى جوسپارلارى تالقىلانعان كەڭەيتىلگەن القا وتىرىسىندا وسىنداي دەرەكتەر كەلتىرىلدى. «ستاتيستيكالىق دەرەكتەرگە سۇيەنسەك، حالىق سانىنىڭ ءوسۋى ءبىرىنشى كەزەكتە تۋ كورسەتكىشىنە جانە انا مەن بالا دەنساۋلىعىنا تىكەلەي تاۋەلدى. وبلىستا انا مەن بالا ءولىمىن تومەندەتۋ ءۇشىن مەديتسينالىق كومەكتىڭ قولجەتىمدىلىگىن ارتتىرىپ، الەۋمەتتىك احۋالدى تۇزەتۋ باعىتىندا ءبىرشاما ىستەر اتقارىلدى. بۇگىندە وبلىس انا ءولىمى بويىنشا رەسپۋبليكادا 16.3 كورسەتكىشىمەن  ەڭ سوڭعى ورىندا. بۇل دارىگەرلەردىڭ تىنىمسىز ەڭبەگىنىڭ جەمىسى. سونداي-اق وبلىس بويىنشا نەگىزگى مەديتسينالىق-دەموگرافيالىق كورسەتكىشتەرىنىڭ جاقسارعانىن اتاپ وتكەن ءجون. وسىلايشا سوڭعى جىلدارى وڭىردە  ءومىر ءسۇرۋ ۇزاقتىعى ارتىپ، جالپى ءولىم-ءجىتىم، تۋبەركۋلەز 26،5% تومەندەگەن. قاتەرلى ىسىك اۋرۋلارى، قان اينالىمى جۇيەسى اۋرۋلارى دا ەداۋىر ازايدى»،  دەدى القا وتىرىسىندا قوعامدىق دەنساۋلىق باسقارماسىنىڭ باسشىسى مارات پاشيموۆ.

وڭىردە ەپيدەميالىق جاعداي تۇراقتى. تۇراقتى نەگىزدە وبلىستا كوروناۆيرۋستىق ينفەكتسياسى بار ناۋقاستاردى ەمدەۋگە جاتقىزۋ ءۇشىن مىڭعا جۋىق ينفەكتسيالىق جانە كارانتيندىك توسەك ۇيىمداستىرىلعان. مەملەكەتتىك پتر زەرتحانالارىنىڭ سانى ءۇش ەسەگە كوبەيتىلدى. اۋداندار جىلجىمالى مەديتسينالىق كەشەنمەن تولىق قامتاماسىز ەتىلدى، جەدەل جاردەم پاركى 96% -عا جاڭاردى. سونداي-اق القا وتىرىسىندا الداعى ۋاقىتتا جۇزەگە اسىرىلۋى ءتيىس جوسپارلار مەن مىندەتتەر ايقىندالدى.

جيىنعا قاتىسقان وبلىس اكىمىنىڭ ورىنباسارى ارمان ءسابيتوۆ باسقارما قىزمەتىن وڭ باعالاپ، بىرقاتار ناقتى تاپسىرما جۇكتەدى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار