ەستەرىڭىزگە سالا كەتەيىك, ۇلتتىق بانك 2017 جىلى تازارتىلعان التىنمەن ولشەنگەن قۇيمالاردى ساتۋ جانە ساتىپ الۋ بويىنشا حالىققا ارنالعان باعدارلاماسىن ىسكە قوستى. ءسىز التىن قۇيمالاردى حالىق بانكىندە, ەۋرازيالىق بانكتە, Jýsan Bank, بانك تسەنتر كرەديتتە, سونداي-اق كەيبىر بانكتىك ەمەس ايىرباستاۋ پۋنكتتەرىندە ساتىپ الۋعا جانە ساتۋعا بولادى. 2017 جىلدان باستاپ جالپى سالماعى 1,57 توننانى قۇرايتىن 42 579 التىن قۇيماسى ساتىلدى. التىن قۇيمالار 5, 10, 20, 50 جانە 100 گراممنان تۇرادى.
2020 جىلى ساتىپ الۋشىلار اراسىندا 100 گراممدىق قۇيمالار سۇرانىسقا يە بولدى. جالپى ساتىلىمداعى ونىڭ ۇلەسى 2020 جىلى 28% - 5 859 دانا. ودان كەيىن 20 گرامم - 5 634 دانا (27%) جانە 10 گرامم - 4 994 دانا (24%), 50 گرامم - 2 622 دانا (12%), 5 گرامم - 1 990 دانا (9%). نەگىزىنەن ولشەنگەن قۇيمالار الماتى, نۇر-سۇلتان جانە اتىراۋ قالالارىندا ساتىلعان.
باعدارلاما باستالعاننان بەرى جالپى سالماعى 3,4 كگ بولاتىن 131 ولشەنگەن قۇيما ساتىپ الۋعا قابىلداندى. بۇل التىن قۇيمالارى ۇزاق مەرزىمدى ينۆەستيتسيالاۋ مەن جيناقتاۋ قۇرالى بولىپ تابىلاتىندىعىنا بايلانىستى. ءار قۇيما قورعانىس ەلەمەنتتەرىمەن (قۇيمالاردىڭ اينا بەتىمەن, ميكروتەكستپەن جانە رەلەفتى جيەكپەن) جانە قۇيمالاردى مەحانيكالىق زاقىمدانۋدان قورعايتىن جانە پاكەتتىڭ اشىلعان-اشىلماعاندىعىن تەكسەرۋدى جەڭىلدەتەتىن ارنايى قاپتامادا شىعارىلادى. قورعانىس قاپتاماسى سونىمەن قاتار قۇيما ءۇشىن ساپا سەرتيفيكاتى بولىپ تابىلادى. سوندىقتان قۇيمانى مۇقيات ساقتاپ, ورامانى اشپاعان ءجون.
