قازاقستان • 20 قاڭتار، 2021

ەرەكشە قاجەتتىلىگى بار ادامدار ءۇشىن eGov-تا 6 قىزمەت ىسكە قوسىلدى

18 رەت كورسەتىلدى

ەرەكشە قاجەتتىلىگى بار ادامدار ءۇشىن eGov پورتالىندا 6 جاڭا قىزمەت ىسكە قوسىلدى. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ءمالىم ەتتى، دەپ حابارلايدى Egemen.kz

«جاقىندا ءبىز ەرەكشە قاجەتتىلىكتەرى بار ادامدار ءۇشىن تاعى 6 جاڭا قىزمەتتى ىسكە قوستىق. ەندى، eGov پورتالىندا ىمداۋ ءتىلى مامانى، جەكە كومەكشى نەمەسە ساناتوري-كۋرورتتىق ەمدەلۋ قىزمەتتەرىنە تاپسىرىس بەرۋگە بولادى. سونداي-اق، مىندەتتى گيگيەنالىق قۇرالدارعا تاپسىرىس، كرەسلو اربالار، ەستۋ اپپاراتتارى، پروتەزدەر جانە تاعى باسقا قىزمەتتەر قولجەتىمدى بولدى»، - دەپ جازدى مينيستر Facebook پاراقشاسىندا.

ونىڭ ايتۋىنشا، بارلىعى ىڭعايلى ءارى وڭاي. قاجەتتى قۇرال مەن اربانى الۋ ماقساتىندا حقو-دا كەزەكتە تۇرۋدىڭ قاجەتتىلىگى جوق. بار بولعانى، eGov پورتالى ارقىلى تاپسىرىس بەرگەن ادامعا قازپوشتا كۋرەرلەرى بارلىعىن جەتكىزەدى.

«بىزگە جاڭا ەنگىزىلىمدەر تۋرالى مۇقتاج ادامداردىڭ بىلگەنى ماڭىزدى جانە وعان كومەكتەسەتىن جىگىتتەر بار ەكەندىگى قۋانتادى. ونىڭ سەبەبى، Instagram جەلىسىندە مەنى @qazymcenter جىگىتتەرى بەلگىلەپ، eGov پورتالىندا قولجەتىمدى قىزمەتتەر تۋرالى روليكتەر ءتۇسىرىپتى. وسى اۋقىمدى جۇمىسى ءۇشىن ولارعا العىسىم شەكسىز!» - دەيدى مينيستر.

سوڭعى جاڭالىقتار

يتاليادا توعىز جۇلدە الدىق

سپورت • بۇگىن، 10:10

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار