ايماقتار • 20 قاڭتار، 2021

تۇركىستاندا ماشينا جاساۋ سالاسىنا ينۆەستيتسيا تارتىلادى

9 رەت كورسەتىلدى

تۇركىستان وبلىسى اكىمىنىڭ ورىنباسارى مەيىرجان مىرزاليەۆ باستاعان ارنايى جۇمىس توبى ماشينا جاساۋ سالاسىنا ينۆەستيتسيا تارتۋ ماقساتىندا رەسەي فەدەراتسياسىنىڭ چەليابى وبلىسىنا جۇمىس ساپارىمەن بارىپ، "ۋرال" اۆتوموبيل زاۋىتىنىڭ وندىرىستىك نىساندارىمەن تانىستى.

اۆتوموبيل زاۋىتى مەن "ۋرال" از ساۋدا ءۇيى باسشىلىعىمەن كەزدەسۋ بارىسىندا تۇركىستان وبلىسىندا "ۋرال" برەندىمەن جۇك اۆتوموبيلدەرى مەن ارنايى تەحنيكانى قۇراستىرۋدى ۇيىمداستىرۋ مۇمكىندىگى تالقىلاندى. "كوپ جىلعى تاجىريبەنى، سونداي-اق اۆتوموبيل زاۋىتىنىڭ ايرىقشا ءيميدجىن ەسكەرە وتىرىپ، ءبىز ولاردى ءوڭىردىڭ ينۆەستيتسيالىق مۇمكىندىكتەرىمەن تانىسۋ ءۇشىن تۇركىستان قالاسىنا شاقىردىق. "ۋرال" كومپانياسىنىڭ وكىلدەرى جوعارى قىزىعۋشىلىق تانىتا وتىرىپ، بيىل اقپان ايىنىڭ ەكىنشى جارتىسىندا ءبىزدىڭ وڭىرگە جۇمىس ساپارىمەن كەلۋگە شەشىم قابىلدادى. سونىمەن قاتار چەليابى وبلىسى گۋبەرناتورىنىڭ ورىنباسارى كوۆالچۋك ەگور ۆيكتوروۆيچپەن كەزدەسۋ وتكىزدىك. ۇكىمەت مۇشەلەرىنىڭ قاتىسۋىمەن وتكەن جيىن كەزىندە ءبىز وڭىرلەر اراسىندا ساۋدا-ەكونوميكالىق قاتىناستار ورناتۋ ماسەلەلەرىن ورتاعا سالدىق"، دەيدى وبلىس اكىمىنىڭ ورىنباسارى مەيىرجان مىرزاليەۆ.

1

ماماندار ەكىجاقتى ستراتەگيالىق سەرىكتەستىكتى ودان ءارى نىعايتۋعا جانە چەليابى وبلىسىمەن تىعىز ساۋدا-ەكونوميكالىق قارىم-قاتىناس ورناتۋعا باعىتتالعان ساپار تۇركىستان وڭىرىندە ماشينا جاساۋ سالاسىنىڭ دامۋىنا جاڭا سەرپىن بەرەتىنىن ايتۋدا.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار