ايماقتار • 19 قاڭتار، 2021

قازىعۇرتتىق پوليتسەيلەر جوعالعان 4 جاسار بالانى تاپتى

25 رەت كورسەتىلدى

قازىعۇرتتىق پوليتسەيلەر جوعالعان ءتورت جاسار بالانى تاۋىپ، اناسىنا جەتكىزدى، دەپ حابارلايدى Egemen.kz Polisia.kz سايتىنا سىلتەمە جاساپ.

قازىعۇرت اپب-ءنىڭ كەزەكشى بولىمشەسىنە جەرگىلىكتى تۇرعىن ايەل كەلىپ، ءوزىنىڭ ءتورت جاستاعى بالاسىن جوعالتىپ العانىن ايتىپ، پوليتسەيلەردەن كومەك سۇراعان. پوليتسەيلەر بىردەن تىركەۋگە الىپ، جەرگىلىكتى يۋۆەنالدى پوليتسيا توبىنىڭ قىزمەتكەرلەرى تەز ارادا شۇعىل ىزدەستىرۋ جۇمىستارىن جۇرگىزەدى.

ناتيجەسىندە ءتارتىپ ساقشىلارى بالانى ءبىر ساعات ىشىندە دۇكەندەردىڭ بىرىندە جۇرگەن جەرىنەن تابادى. قازىرگى تاڭدا بالا ءوز اتا-اناسىنا جەتكىزىلدى. بالاسىمەن قاۋىشقان انا پوليتسەيلەرگە ءوز راقمەتىن ايتتى.

«مەن كەشكى 4-تەر شاماسىندا، بالامدى ويناۋعا جىبەرىپ جوعالتىپ الدىم. بالامدى ىزدەپ تابا الماعان سوڭ، پوليتسەيلەردەن كومەك سۇرادىم. ولار ماعان بالامدى تاۋىپ بەردى. ىشكى ىستەر قىزمەتكەرلەرىنە مىڭ العىس! جۇمىستارىڭىزعا ساتتىلىك تىلەيمىن!» دەپ ءوز العىسىن ءبىلدىردى.

 

سوڭعى جاڭالىقتار

ۇقساس جاڭالىقتار