تۇركىستاندا كوروناۆيرۋسقا قارسى ەكپە جۇمىستارى 1 اقپاننان باستالادى

ايماقتار • 19 قاڭتار، 2021

تۇركىستاندا كوروناۆيرۋسقا قارسى ەكپە جۇمىستارى 1 اقپاننان باستالادى

14 رەت كورسەتىلدى

تۇركىستان وبلىسىندا پاندەميانىڭ ىقتيمال ەكىنشى تولقىنىندا اۋرۋدىڭ تارالۋىن بولدىرماۋ ماقساتىندا ءتيىستى شارالار قولعا الىنۋدا. وسىعان بايلانىستى وڭىردە 1 اقپاننان باستاپ، كوروناۆيرۋسقا قارسى ەكپە جۇمىستارى جۇرگىزىلمەك. اقىسىز تۇردە جۇرگىزىلەتىن ۆاكتسينا الدىمەن مەديتسينا قىزمەتكەرلەرىنە سالىناتىن بولادى، دەپ حابارلايدى Egemen.kz

عالىمجان ەلشىباي

بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆ مالىمدەدى. «قازىرگى تاڭدا وبلىس بويىنشا 610 ينفەكتسيالىق جانە 340 كارانتيندىك توسەك-ورىن ۇيىمداستىرىلعان. بۇگىندە ينفەكتسيالىق توسەك-ورىندار سانىنىڭ جۇكتەمەسى – 23،6%، كارانتيندىك توسەك-ورىننىڭ جۇكتەمەسى – 13% بولىپ وتىر. قاجەت بولعان جاعدايدا ينفەكتسيالىق توسەك-ورىندار سانىن 5610-عا دەيىن ۇلعايتۋعا مۇمكىندىك بار. سونىمەن قاتار 12 جىلجىمالى مەديتسينالىق كەشەن جيىنتىعى ساتىپ الىنىپ، اۋدانداردى قامتاماسىز ەتۋ كورسەتكىشى 100 پايىزدى قۇرادى. جەدەل-جاردەم قىزمەتىنە 122 اۆتوكولىك ساتىپ الۋ جوسپارلانىپ، 77 اۆتوكولىك جەتكىزىلدى. بۇل اۆتوكولىكتەر جەدەل-جاردەم قىزمەتى پاركىن 96%-عا جاڭارتۋعا مۇمكىندىك بەردى»، دەدى م.پاشيموۆ.

ال وبلىستىق باس مەملەكەتتىك سانيتاريالىق دارىگەرى ن.نىشانوۆ دەنساۋلىق ساقتاۋ مينيسترلىگىنىڭ ەپيدەميالىق احۋالدى باعالاۋ كورسەتكىشتەرى بويىنشا تۇركىستان وبلىسى «جاسىل ايماققا» ەنگىزىلگەنىن ايتتى. بۇگىندە وبلىس بويىنشا 1 – 19 قاڭتار ارالىعىندا COVID-19 راستالعان 231-جاعداي تىركەلىپ، 100 مىڭ حالىققا شاققانداعى ينتەنسيۆتىك كورسەتكىش 11،4 بولعان.

تۇركىستان وبلىسى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز