Artel كومپانياسى تۇركىستاندا 1 ملن-عا دەيىن گاز پليتاسىن شىعارادى. جوبا اياسىندا 2 مىڭنان استام جاڭا جۇمىس ورنى اشىلادى. تەحنيكا باعاسى دا تۇتىنۋشى ءۇشىن قولجەتىمدى بولماق. وبلىسى اكىمىنىڭ ءباسپاسوز قىزمەتى حابارلاعانداي, جوبانى جۇزەگە اسىرۋ بارىسىندا اكىمدىك تاراپىنان جان-جاقتى قولداۋ كورسەتىلەدى. «دوستىق قاتىناستارعا نەگىزدەلگەن قازاقستان – وزبەكستان ىنتىماقتاستىقتىعى نىعايا تۇسۋدە. بۇگىنگى جوبا ءبىرازدان بەرى تالقىلانىپ كەلگەن. بۇل بىرلەسكەن جۇمىستىڭ باسى عانا. جالپى, وزبەكستاندىق ينۆەستورلار تۇركىستان قالاسىنا بىرنەشە ءوندىرىس ورنىن اشۋعا قىزىعۋشىلىق ءبىلدىرىپ وتىر», دەدى وبلىس اكىمى ومىرزاق شوكەەۆ كەزدەسۋدە. Artel كومپانياسى تۇركىستان وبلىسىندا ءاسۇي پليتالارىن, قالىپتاۋ بۇيىمدارىن جانە ەلەكتر سۋ جىلىتقىشتارىن شىعاراتىن زاۋىت سالادى. ايتا كەتەلىك, وتكەن جىلدىڭ سوڭىندا كومپانيا وكىلدەرى تۇركىستان قالاسىنا كەلىپ, ءوڭىردىڭ ينۆەستيتسيالىق احۋالى, ەكونوميكالىق مۇمكىندىكتەرى جانە يندۋستريالدىق ايماقتاعى ينۆەستورلار ءۇشىن جاسالىنعان مۇمكىندىكتەرمەن تانىسقان بولاتىن.
سونىمەن قاتار وزبەكستان ەلىنە ساپارى بارىسىندا وبلىس اكىمى ومىرزاق شوكەەۆ چيناز اۋدانىندا بولىپ, تۇرعىنداردى جۇمىسپەن قامتۋ ماقساتىندا بوي كوتەرگەن توقىما ونىمدەرىن شىعاراتىن ءىرى تىگىن فابريكاسىنىڭ اشىلۋ راسىمىنە قاتىستى.
