ايماقتار • 19 قاڭتار، 2021

الماتىدا كوروناۆيرۋستىق ىندەت جۇقتىرۋ 0،3%-عا جەتتى

38 رەت كورسەتىلدى

بۇگىنگى تاڭعا دەيىن الماتى قالاسىندا كوروناۆيرۋستىق ينفەكتسيانىڭ 20 523 وقيعاسى تىركەلسە، ونىڭ 12 843-ءى سيمپتومدى جانە 7680-ءى سيمپتومسىز. بيىلعى جىلدىڭ 18 قاڭتارىندا 79 ادامنىڭ ىندەت جۇقتىرعانى تىركەلدى. ونىڭ ىشىندە 59 جاعداي سيمپتومدى، 20 جاعداي سيمپتومسىز. الماتىدا كوروناۆيرۋستىق ينفەكتسيادان ايىققاندار سانى - 18 484. جالپى، ينفەكتسيانىڭ كۇندەلىكتى ءوسۋى 0،3% قۇرايدى. ۆيرۋستىڭ رەپرودۋكتيۆتىك كورسەتكىشى الماتى قالاسىندا 0،991 (رەسپۋبليكا بويىنشا-1،1) قۇرايدى.

قاڭتار ايىنىڭ سوڭعى 2 اپتاسىندا جۇقتىرۋ ورىندارى (بيىلعى 03-16 قاڭتار ارالىعىندا): قوعامدىق ورىندارعا بارۋ – 40.1%; وتباسىندا كۆي–مەن اۋىراتىن ناۋقاسپەن بايلانىس – 27.4%; قالالىق كولىك – 22.8%; جۇمىستا كۆي–مەن اۋىراتىن ناۋقاسپەن بايلانىس - 5.6%; شەت ەلدەردەن جانە قر وڭىرلەرىنەن اكەلۋ - 2.6%. جۇقتىرۋ جاعدايلارىنىڭ جاس قۇرامى: 20-39 جاس – 34.7%; 40-59 جاس - 28.7%; 60 جاس جانە ودان جوعارى – 21.3%.

قالانىڭ ينفەكتسيالىق ستاتسيونارلارىندا (1866 توسەك) 763 پاتسيەنت بار، ونىڭ ىشىندە 16-سى اسا اۋىر جاعدايدا، 141 ناۋقاستىڭ جاعدايى اۋىر، 604 ادامنىڭ جاعدايى ورتاشا اۋىر، 2 - جەڭىل. الماتى اكىمى باقىتجان ساعىنتاەۆتىڭ تاپسىرماسىمەن ەكىنشى تولقىنعا دايىندىق اياسىندا قالا بويىنشا توسەك قۋاتى 7011 توسەكتىك 23 كوۆيدتى ستاتسيونار (ونىڭ ىشىندە 250 رەانيماتسيالىق) دايىندالدى. ەمحانالاردى مەديتسينالىق جابدىقتارمەن جاڭارتۋ جانە جەتە جاراقتاندىرۋ جۇرگىزىلدى. ەكى جاڭا ەمحانانىڭ قۇرىلىسى اياقتالدى: 500 توسەك-ورىنعا ارنالعان ينفەكتسيالىق گوسپيتال; 300 توسەك-ورىنعا ارنالعان مودۋلدىك ستاتسيونار. وسىلايشا، سوڭعى ءۇش ايدا ينفەكتسيالىق توسەك سانى ەكى ەسەگە ارتتى.

سونىمەن قاتار، العاشقى مەديتسينالىق-سانيتارلىق كومەك ۇيىمدارىنىڭ جۇمىسى كۇشەيتىلدى. 73 ەمحانادا 298 ءموبيلدى بريگادا جۇمىس ىستەيدى. مەديتسينا قىزمەتكەرلەرىنىڭ قاۋىپسىزدىگى مەن دايىندىعىنا ەرەكشە نازار اۋدارىلدى. جەكە قورعانىش قۇرالدارىنىڭ قورى قۇرىلدى. ەپيدەمياعا قارسى ءىس-شارالارعا تارتىلعان مەديتسينا قىزمەتكەرلەرىنەن باسقا 2450 ماماننان تۇراتىن كادرلىق رەزەرۆ دايىندالدى.

تاۋلىگىنە 14600 زەرتتەۋ جۇرگىزەتىن 23 پتر زەرتحانا جۇمىس ىستەيدى، بولاشاقتا 22 700 زەرتتەۋگە دەيىن ۇلعايتۋ مۇمكىندىگى بار. پاندەميا باستالعاننان بەرى الماتى اۋماعىندا ورنالاسقان زەرتحانالاردا بارلىعى 826 مىڭ پتر زەرتتەۋ جۇرگىزىلدى. سونداي-اق، تاۋلىگىنە 3 056 زەرتتەۋ وتكىزۋ قۋاتى بار 12 يفت زەرتحانا جۇمىس ىستەيدى.

ۆيرۋستى سىرتتان اكەلۋ جاعدايلارىن تىركەۋ فاكتىلەرى جالعاسۋدا. 2020 جىلعى 6 قازاننان باستاپ وسى جىلدىڭ 18 قاڭتارىنا دەيىن الماتى حالىقارالىق اۋەجايىنا بورتىندا 109 724 جولاۋشىسى بار 773 رەيس كەلدى. ونىڭ ىشىندە، COVID-19-عا تەرىس ناتيجەسى بار انىقتامالارمەن – 97430، انىقتاماسىز – 12294، ونىڭ ىشىندە پتر تالداۋدى تاپسىرعاننان كەيىن ارنايى كارانتيندىك ستاتسيوناردا 79 وڭ ناتيجە الىندى (تۇركيا-30 جاعداي.، ءباا-18 جاعداي.، ەگيپەت – 23 جاعداي، بەلارۋس – 5، ۋكراينا – 1، مالديۆ-2). قالانىڭ حالىقارالىق اۋەجايىندا سانەپيدباقىلاۋدى كۇشەيتۋ شارالارى جالعاسۋدا. سونداي-اق، انىقتامانىڭ جوقتىعىنان 31 شەتەل ازاماتى كەرى قايتارىلدى. قالا اۋەجايىندا سانيتارلىق-ەپيدەميالىق باقىلاۋدى كۇشەيتۋ بويىنشا شارالار جالعاسۋدا.

الماتى اكىمدىگى الماتى تۇرعىندارى مەن قوناقتارىن ەپيدەمياعا قارسى شارالاردى: الەۋمەتتىك قاشىقتىقتى، بەتپەردە رەجيمىن ساقتاۋدى كۇشەيتۋگە، سونداي-اق مۇمكىندىگىنشە جابىق مەكەمەلەرگە بارۋدان جانە ۇزاق ۋاقىت بولۋدان باس تارتۋعا شاقىرادى. COVID-19 ناۋقاستارىمەن جانە جۇمىس ورنى بويىنشا بايلانىستا بولعان ادامدار ۇيدە قالىپ، تەگىن نەگىزدە تەكسەرۋ ءۇشىن تەلەفون ارقىلى ەمحاناعا حابارلاسۋى كەرەك. جرۆي بەلگىلەرى پايدا بولعان كەزدە دارىگەردى ۇيگە شاقىرىپ، زەينەتكەرلەرگە مۇمكىندىگىنشە شۇعىل قاجەتتىلىك تۋىنداماسا ۇيدەن شىقپاۋ قاجەت.

ەستەرىڭىزگە سالا كەتەيىك، قر دەنساۋلىق ساقتاۋ مينيسترلىگىنىڭ مالىمەتىنشە، كوروناۆيرۋس ينفەكتسياسىن جۇقتىرۋ جاعدايلارىنىڭ ەڭ كوپ تىركەلۋى ناۋرىز ايىنىڭ سوڭىندا بولۋى مۇمكىن.

انىقتاما: الەمدە ەپيدەميالىق جاعداي ۋشىعا تۇسۋدە. بىرقاتار ەلدەر ينفەكتسيانى جۇقتىرۋ جاعدايلارىنىڭ وسۋىنە جول بەرمەۋ ءۇشىن قوسىمشا شارالار ەنگىزۋدە. مىسالى، وڭتۇستىك كورەيا ۇكىمەتى الەۋمەتتىك الىستاۋ دەڭگەيىن تاعى ەكى اپتاعا ۇزارتتى. 15 اقپانعا دەيىن ازاماتتارعا COVID-19 تارالۋىنىڭ جالعاسۋىنا بايلانىستى شەتەلگە ساپارلاردى بولدىرماۋ نەمەسە كەيىنگە قالدىرۋدى ۇسىنادى. جەكسەنبىدە اۆستريا ۇكىمەتى ۇلتتىق كارانتيندى 7 اقپانعا دەيىن ۇزارتاتىنىن جاريالادى. ۇلىبريتانيا 18 قاڭتاردان 15 اقپانعا دەيىن كوروناۆيرۋستىڭ جاڭا شتامدارىنىڭ اكەلىنۋىنە جول بەرمەۋ ءۇشىن بارلىق تۋريستىك دالىزدەردى جابۋدا.

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار