پازاردجيك قالاسىنىڭ 28 جاستاعى تۇرعىنى جۇكتىلىك كەزىندە جوعارى دەنە قىزۋىمەن جانە قاتتى جوتەلمەن اۋرۋحاناعا تۇسكەن. ول ارنايى سىناما وتكىزگەننەن كەيىن, ودان كوروناۆيرۋس ينفەكتسياسى انىقتالدى.
دارىگەرلەردىڭ شەشىمىمەن ايەلگە كەسىرتىلىگى جاسالدى. ويتكەنى, ۆيرۋس پلاتسەنتاداعى وزگەرىستەردى تۋدىرىپ, بالانىڭ ءارى قاراي دامۋىن باسەڭدەتكەن. ءساتتى وپەراتسيادان كەيىن سالماعى 2,75 كەلى جانە بويى 46 سانتيمەتر بولاتىن شاقالاق ومىرگە كەلدى.
جاڭا تۋعان نارەستەگە COVID-19 انتيدەنەلەرىنىڭ بار-جوعىن انىقتايتىن تەست جاسالدى. بۇگىندە بالانىڭ دەنساۋلىعى جاقسى, ولار ونى اناسىمەن بىرگە اۋرۋحانادان شىعارۋدى جوسپارلاپ وتىر.
بۇعان دەيىن رف پريمورسك ولكەسىنە قاراستى دەنساۋلىق ساقتاۋ مينيسترلىگىنىڭ جۇقپالى اۋرۋلار جونىندەگى شتاتتان تىس باس مامانى اننا سيماكوۆا كوروناۆيرۋستى جۇقتىرۋدىڭ تىكەلەي جولى – انادان بالاعا دەيىن ءالى دالەلدەنبەگەنىن ايتىپ ءوتتى. ا.سيماكوۆا انانىڭ دەنەسىندەگى انتيدەنەلەر ءاردايىم تۋىلعان كەزدە بالاعا بەرىلەتىنىن, ولار ءبىر جىلعا دەيىن انتيدەنەگە اينالاتىنىن اتاپ ءوتتى.
