مادەنيەت جانە سپورت مينيسترلىگىنە قاراستى تۋريزم يندۋسترياسى كوميتەتىنىڭ توراعاسى داستان رىسپەكوۆ 2020 جىلى رەسپۋبليكا بويىنشا نەگىزگى توپ-10 تۋريستىك باعىت تاڭدالىپ, تۋريستىك مارشرۋتتار كاتالوگى جانە ولاردى جاقسارتۋ بويىنشا ۇسىنىستار جاسالعانىن مالىمدەدى.
«اگرو-اۋىل ءتۋريزمىن دامىتۋ بويىنشا اقمولا, الماتى, جامبىل جانە تۇركىستان وبلىسىن قامتي وتىرىپ, اۋىل تۇرعىندارى ءۇشىن نۇسقاۋلىق əزىرلەندى. زەرتتەۋ جۇرگىزگەن وڭىرلەردەگى اگروتۋريزم سۋبەكتىلەرىنىڭ ءتىزىمىن دايىندادىق. سونداي-اق بىلتىر ىشكى تۋريزم بويىنشا ونلاين-اكادەميا ىسكە قوسىلدى. اكادەمياداعى 6 كۋرستى تۋريزم نارىعىنىڭ 1000 وكىلى تəمامدادى. جالپى, اكادەمياعا 1765 ادام تىركەلگەن ەدى», دەدى ول.
داستان رىسپەكوۆ پاندەميا كەزىندە الداعى ۋاقىتتا 5 حالىقارالىق ءىس-شارا وتكىزۋگە مۇمكىندىك العانىن (Bizz, SCIJ, Isoprenoid – 2021 جىلى, TAAI – 2022, SATW – 2023), بۇل ءىس-شارالار ۇيىمداستىرۋشى ەسەبىنەن وتەتىنىن جەتكىزدى.
«2020 جىلى قازاقستان Lonely Planet عالامدىق گيد-انىقتامالىعىنىڭ «قاۋىمداستىقتار» ساناتىندا «ۇزدىك قوناقۇيلەر» نوميناتسياسىن جەڭىپ الدى. ەلىمىزدىڭ تۋريستىك الەۋەتى Google, Yandex, Facebook, Instagram, Weibo, WeChat-تا ناسيحاتتالدى. بۇل جۇمىس 27 ملن ادامدى قامتىدى. ونىڭ 17,7 ملن-ى قازاقستاندا, 9,3 ملن-ى شەتەلدە تۇرادى. قازاقستان تۋرالى Travelstan بەينەبايانى PATA Gold Awards سىيلىعىنىڭ «ۇزدىك ساياحات روليگى» نوميناتسياسىنا يە بولدى.
ەندى 2021 جىلى تۋريزم سالاسىنداعى «جول كارتاسىن» ودان ءارى ىسكە اسىرۋ ماقساتىندا تۋريستىك ءونىمنىڭ ساپاسىن ارتتىرۋ, ەكولوگيا جəنە جاستار ءتۋريزمىن دامىتۋ, جەلىلىك ءبىلىم بەرۋ, حالىقارالىق ءىس-شارالار تارتۋ جانە اقپاراتتىق تۋرلار وتكىزۋ بويىنشا جۇمىستى جالعاستىرامىز», دەدى داستان رىسپەكوۆ.
