اتاۋلى مەرەكەگە گۋبەرناتور بيلل انابۋتتي, دجوزەفينا بيۆەرس, گەنەرال-مايور ارماندو كابادا, كونگرەسسمەن ەلەونورا حولمس نورتون, مايور تيم كەللەر, سەناتور بوب مەنەندەز, اقش تەڭىز وركەسترى, كەرول روبەرتسون لوپەز جانە تاعى باسقالار قاتىستى.
SCI باس ديرەكتورى لەروي اللالا ءوز سوزىندە قازاق ءانشىسىنىڭ شىعارماشىلىعى الەم حالىقتارىن, ولاردىڭ مادەنيەتى مەن ءتىلىن بىرىكتىرەتىنىن اتاپ ءوتتى. مۇنىڭ ءبارى پرەزيدەنت ەيزەنحاۋەردىڭ ەلدەر اراسىندا بەيبىت قارىم-قاتىناس ورناتۋ تۋرالى كوزقاراسىنىڭ اجىراماس بولىگى. سونىمەن قاتار ديماشتىڭ 20 قاڭتاردا Sister Cities International رەسمي سايتىندا تاعى ءبىر ءان ورىنداۋى كورسەتىلەتىندىگى جاريالاندى. سونداي-اق ول SCI وكىلدەرىنە يناۋگۋراتسيا اپتالىعىنا شاقىرعانى ءۇشىن العىس ايتتى.
ديماش – اقش پرەزيدەنتىن ۇلىقتاۋ سالتاناتىندا قازاقستاننان ونەر كورسەتكەن تۇڭعىش ءانشى ەكەنىن ايتا كەتەيىك.
