پارلامەنت • 18 قاڭتار، 2021

ءماجىلىس پرەمەر-ءمينيستردىڭ ورىنباسارلارى لاۋازىمىنا ۇسىنىلعان كانديداتۋرالارمەن كەلىستى

24 رەت كورسەتىلدى

بۇگىن ءماجىلىستىڭ كوميتەتتەرىندە پرەمەر-ءمينيستردىڭ ورىنباسارلارى لاۋازىمىنا ۇسىنىلعان كانديداتۋرالاردى كەلىسۋ ءۇشىن كەڭەستەر ءوتتى، دەپ حابارلايدى Egemen.kz.

«قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 22-1-بابىنا سايكەس، پرەمەر-مينيستر كەڭسەسى باسشىسىنىڭ م.ا. عالىمجان قويشىباەۆ ءماجىلىستىڭ قارجى جانە بيۋدجەت كوميتەتى مۇشەلەرىنە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى لاۋازىمىنا ءاليحان اسحان ۇلى سمايلوۆتىڭ كانديداتۋراسىن تانىستىردى.

ال، قازاقستان رەسپۋبليكاسى پرەمەر-ءمينيسترىنىڭ ورىنباسارلارى قىزمەتتەرىنە رومان ۆاسيلەۆيچ سكلياردىڭ جانە ەرالى ۇلىقپان ۇلى توعجانوۆتىڭ كانديداتۋرالارى ءماجىلىستىڭ ەكونوميكالىق رەفورما جانە وڭىرلىك دامۋ كوميتەتى مەن الەۋمەتتىك-مادەني دامۋ كوميتەتىنىڭ مۇشەلەرىنە تانىستىرىلدى.

ماجىلىستە الدىڭعى شاقىرىلىمداعىداي، كانديداتتار دەپۋتاتتاردىڭ سۇراقتارىنا جاۋاپ بەرىپ، مەملەكەت باسشىسىنىڭ پارلامەنتتىڭ VII شاقىرىلىمداعى I سەسسياسىنىڭ اشىلۋىندا بەرگەن تاپسىرمالارىن ىسكە اسىرۋداعى باسىمدىقتارى، سونداي-اق، جەتەكشىلىك ەتەتىن باعىتى بويىنشا جۇمىستى ودان ءارى ۇيىمداستىرۋى تۋرالى ايتىلدى.

وتىرىس بارىسىندا ءاليحان سمايلوۆقا سالىق مىندەتتەمەلەرىن ورىنداۋدى جەڭىلدەتۋگە جانە سالىقتار مەن تولەمدەر تۇرلەرىنىڭ سانىن ازايتۋعا، بيۋدجەتتىڭ مۇنايلىق ەمەس تاپشىلىعىنىڭ مولشەرىن ازايتۋعا جانە باسقا دا جاڭا سالىق ساياساتىنا قاتىستى سۇراقتار قويىلدى. ال، ر. سكليارعا دەپۋتاتتار تاراپىنان كولىكتىڭ بارلىق تۇرلەرىمەن ترانزيتتىك جۇكتەردى تاسىمالداۋ كولەمىن ۇلعايتۋ، ەكونوميكانىڭ باسىم سالالارىندا ءىرى ستراتەگيالىق ينۆەستيتسيالىق جوبالاردىڭ پۋلىن قالىپتاستىرۋ، سونىمەن قاتار، وتاندىق تاۋارلار ءوندىرىسىن ارتتىرۋ جانە جۇمىس ىستەپ تۇرعان كاسىپورىنداردى شيكىزاتپەن جۇكتەۋدى قامتاماسىز ەتۋ، ەكونوميكانىڭ ناقتى سەكتورلارىندا پوليەتيلەن جانە پوليپروپيلەن ءوندىرۋ بويىنشا، ونىڭ ىشىندە ينۆەستيتسيالىق جوبالاردى ىسكە اسىرۋ جانە ت.ب. ماسەلەلەر كوتەرىلدى.

ە.توعجانوۆقا دەپۋتاتتار تاراپىنان ءتيىمدى الەۋمەتتىك ساياسات قۇرۋ، ونىڭ ىشىندە اۋىلدىق جەرلەردە مەديتسينالىق جانە پەداگوگيكالىق كادرلاردىڭ تاپشىلىعى، مەكتەپتەر سالۋ جانە جۇمىس ورىندارىن قۇرۋ سياقتى الەۋمەتتىك سالاداعى قوردالانعان ماسەلەلەرگە قاتىستى سۇراقتار قويىلدى.

وتىرىس سوڭىندا ءاليحان اسحان ۇلى سمايلوۆتىڭ كانديداتۋراسىن قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى لاۋازىمىنا تاعايىنداۋ تۋرالى ءماجىلىستىڭ قارجى جانە بيۋدجەت كوميتەتىنىڭ ءتيىستى قورىتىندىسى قابىلداندى.

سونىمەن قاتار ەكونوميكالىق رەفورما جانە وڭىرلىك دامۋ كوميتەتىنىڭ قورىتىندىسى بويىنشا رومان ۆاسيلەۆيچ سكلياردىڭ كانديداتۋراسى پرەمەر-ءمينيسترىنىڭ ورىنباسارى لاۋازىمىنا، الەۋمەتتىك-مادەني دامۋ كوميتەتى ەرالى ۇلىقپان ۇلى توعجانوۆتىڭ كانديداتۋراسىن پرەمەر-ءمينيستردىڭ ورىنباسارى قىزمەتىنە ۇسىنۋ مۇمكىندىگى تۋرالى كوميتەتتىڭ قورىتىندىسى قابىلداندى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار