قوعام • 18 قاڭتار، 2021

قار قۇرساۋىنان 50-دەن استام كولىك قۇتقارىلدى

8 رەت كورسەتىلدى

جىل باسىنان بەرى اۋا رايىنىڭ قولايسىزدىعىنا بايلانىستى اۆتوموبيل جولدارىنداعى كولىك قۇرالدارىنىڭ قوزعالىسىنا 100-دەن استام شەكتەۋ قويىلدى، دەپ حابارلايدى Egemen.kz Polisia.kz سايتىنا سىلتەمە جاساپ.

اتاپ ايتقاندا، اقمولا، قاراعاندى، شىعىس قازاقستان، قوستاناي، پاۆلودار جانە الماتى وبلىستارىندا كولىك قوزعالىسىنا شەكتەۋ ەنگىزىلدى. شەكتەۋ كەزىندە جول بەلگىلەرى مەن قورشاۋلار قويىلدى. قولايسىز اۋا رايى جاعدايلارىنا بايلانىستى جول قاۋىپسىزدىگىن قامتاماسىز ەتۋ، قيىن جاعدايعا تاپ بولعان ادامدارعا كومەك كورسەتۋ ءۇشىن پاترۋلدىك پوليتسيا جاساقتارى تاۋلىك بويى كەزەكشىلىك ەتتى. وسى كەزەڭدە قار قۇرساۋىنان 50-گە جۋىق اۆتوكولىك شىعارىلدى.

وسىعان وراي ءمينيستردىڭ اتىنا ازاماتتاردان العىستار كەلىپ تۇسۋدە، وندا ازاماتتار كورسەتكەن كومەكتەرى ءۇشىن پوليتسەيلەرگە جىلى لەبىزدەرىن بىلدىرۋدە. ايتالىق، قىرعىزستان رەسپۋبليكاسىنىڭ ەكونوميكا ءمينيسترى پاۆلودار وبلىسى پوليتسيا دەپارتامەنتىنىڭ جەكە قۇرامىنا العىس جولداعان. بۇل حاتتا جۇك كولىگىن تىزگىندەگەن قىرعىزستان رەسپۋبليكاسىنىڭ ازاماتىنا قاتتى ايازدا شىدەرتى كەنتىنىڭ ماڭىنداعى تاس جولدا تۇرىپ قالعان كەزدە پوليتسەيلەردىڭ كومەك كورسەتكەندىگى ايتىلعان. حاتتا پوليتسيا پودپولكوۆنيگى جاقسىلىق بايىسبەكوۆ، اعا لەيتەنانتتار ازامات شاقشاباەۆ پەن رۋسلان ۆەرەششاكتىڭ ادامگەرشىلىگى مەن قىزمەتىنىنە دەگەن ادالدىعى ادام ءومىرىن قۇتقارۋعا سەبەپ بولدى. ولار وزدەرىنە جۇكتەلگەن مىندەتتەردى ابىرويمەن اتقاردى دەپ اتاپ وتكەن.

وقيعانى قىسقاشا بايانداپ وتسەك، «قازگيدرومەت» ورتالىعىنىڭ –43 گرادۋسقا دەيىنگى قاتتى ايازعا بايلانىستى جاساعان ەسكەرتۋلەرىنە قاراماستان، جۇرگىزۋشى رەسەي فەدەراتسياسىنان قىرعىزستان رەسپۋبليكاسىنا جۇك اۆتوموبيلىمەن جولعا شىققان. بىراق اۋا رايىنىڭ قولايسىزدىعىنا بايلانىستى ماشينادا جانارماي قاتىپ قالعان. وسىنداي قيىن جاعدايدا جۇرگىزۋشىنى قاتتى ۇسىك شالۋى مۇمكىن ەدى. الايدا جول بويىندا تۇرعان جۇك كولىگىن سول جەردە قىزمەت اتقارىپ جۇرگەن پوليتسەيلەر بايقاپ، بىردەن كومەككە كەلگەن. ولار ۇلكەن جۇك كولىگىن جىلى بوكسقا اپارىپ، جۇرگىزۋشىگە جىلىنۋعا كومەكتەسكەن. كولىك اقاۋى جوندەلگەن سوڭ جۇرگىزۋشى قايتا جولعا اتتانعان.

ءىىم قىس مەزگىلىندە اۋا رايىنىڭ قوزعالىس رەجيمدەرىنە اسەر ەتەتىنىن، جاۋىن-شاشىن كەزىندە اينالانى كورۋ ناشارلايتىنىن ەسكەرۋ كەرەكتىگىن ەسكە سالادى. جۇرگىزۋشىلەر اۋا رايى جاعدايلارىن ەسكەرىپ، قاۋىپسىز جىلدامدىقتى جانە اۆتوموبيلدەر اراسىنداعى قاشىقتىقتى ساقتاۋى قاجەت.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار