ايماقتار • 18 قاڭتار، 2021

شىمكەنتتە قوعامدىق كولىك جۇرگىزۋشىلەرىنىڭ مادەنيەتىن قالىپتاستىراتىن كۋرس اشىلادى

18 رەت كورسەتىلدى

شىمكەنت قالاسىندا قوعامدىق كولىك جۇرگىزۋشىلەرىنىڭ مادەنيەتى مەن بىلىكتىلىگىن ارتتىراتىن جوبا قولعا الىندى. ەندى قوعامدىق كولىك جۇرگىزۋشىلەرى 5 كۇندىك وقۋ كۋرسىنا قاتىسىپ، ارنايى ماماندارداردان «جولاۋشىلاردى تاسىمالداۋ ەرەجەسى» جانە مۇمكىندىگى شەكتەۋلى جاندارعا قىزمەت كورسەتۋ بويىنشا ءبىلىم الادى، دەپ حابارلايدى Egemen.kz.

بۇل جونىندە قالا اكىمى مۇرات ايتەنوۆ «Instagram» جەلىسىندە تىكەلەي ەفير ارقىلى تۇرعىندارمەن كەزدەسۋىندە قوعامدىق كولىك ماسەلەسىن تالقىلاپ، سالاداعى بىرقاتار جاڭالىقتارىمەن ءبولىستى.

جاڭا جوباعا قاتىسقان جۇرگىزۋشى قىزمەتتىك ءتارتىپتى ساقتاۋ، جولاۋشىلارعا سىپايىلىق تانىتۋ مەن پسيحولوگيالىق دايىندىق جانە كەلەڭسىز جاعداي تۋدىرمايتىن جاعداي جاساۋدى ۇيرەنەدى. وقۋدان وتكەندەرگە مىندەتتى تۇردە سەرتيفيكات بەرىلەدى. ايتا كەتەيىك، سەرتيفيكاتى جوق جۇرگىزۋشىلەر قوعامدىق كولىكتى باسقارۋ قىزمەتىنە ورنالاسا المايدى.

سەرتيفيكات تابىستالعاننان كەيىن جۇرگىزۋشى تاراپىنان ەڭبەك ءتارتىبىن بۇزۋ جاعدايى ورىن السا، قايتا اتتەستاتسيالاۋدان ءوتۋ مىندەتتەلەدى. ال، ەتيكالىق نورمالار مەن ەڭبەك ءتارتىبىن بىرنەشە رەت بۇزعاندار قىزمەتتەن بوساتىلىپ، الداعى ۋاقىتتا قوعامدىق كولىكتى باسقارۋ قىزمەتىنە ورنالاسۋ قيىنداتىلادى.

قالاداعى جولاۋشىلار مەن جۇرگىزۋشى اراسىندا قاندايدا ءبىر ماسەلەلەر ورىن السا نەمەسە قوسىمشا سۇراقتار بويىنشا جولاۋشىلار كولىگى جانە اۆتوموبيل جولدارى باسقارماسىنىڭ 24-75-17 بايلانىس نومىرىنە حابارلاسۋعا بولادى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار