ەكونوميكا • 18 قاڭتار، 2021

«Almaty Business-2025» اياسىندا 8 ملرد تەڭگەگە 40-تان استام جوبانىڭ قارجىلاندىرىلۋى ماقۇلداندى

24 رەت كورسەتىلدى

وڭىرلىك كوممۋنيكاتسيالار قىزمەتىنىڭ الاڭىندا «Almaty business – 2025» باعدارلاماسى اياسىندا كاسىپكەرلەرگە قارجىلاي قولداۋ كورسەتۋ شارالارى تۋرالى بريفينگ ءوتتى. بۇعان دەيىن اكىم باقىتجان ساعىنتاەۆتىڭ باستاماسىمەن بيزنەستى قولداۋدىڭ وڭىرلىك باعدارلاماسى اياسىندا «Almaty Finance» نەسيەلىك ۇيىمى قۇرىلعان بولاتىن. بريفينگتە «Almaty Finance» جشس باسقارما توراعاسىنىڭ ورىنباسارى زاڭعار سالىمباەۆ «Almaty Finance» كومپانياسى 8،3 ملرد تەڭگە سوماعا 42 جوبانىڭ قارجىلاندىرىلۋىن ماقۇلدادى، دەپ جازادى Egemen.kz  

ونىڭ ىشىندە 26 جوبا 6،8 ملرد تەڭگە كولەمىندە قارجىلاندىرىلدى. 800 ملن تەڭگە سوماسىنداعى جوبالار ەگجەي-تەگجەيلى پىسىقتالۋدا. جوبالاردى ىسكە اسىرۋ جۇزدەن استام جۇمىس ورنىن اشۋعا مۇمكىندىك بەرەدى. «Almaty Finance» كومپانياسى (الماتى قالاسى اكىمدىگىنىڭ ۆەدومستۆولىق باعىنىستى قۇرىلىمى) 8،3 ملرد تەڭگە سوماعا 42 جوبانىڭ قارجىلاندىرىلۋىن ماقۇلدادى.

نەسيە قاراجاتى ءتۇرلى سالالارداعى جوبالاردى ىسكە اسىرۋعا باعىتتالعان. ولاردىڭ قاتارىندا مىڭنان استام ءتۇرلى زەرتتەۋلەر جۇرگىزۋگە قابىلەتتى جاڭا زەرتحانا اشۋ، كوفە داندەرىن قۋىرۋ تسەحىن قۇرۋ، تىگىن تسەحىن ىسكە قوسۋ، جيھاز جانە جيھاز فۋرنيتۋراسىن، مەتالل بۇيىمدارىن، كەڭسە تاۋارلارىن، گيگيەنالىق قۇرالداردى ءوندىرۋ، ونەركاسىپتىك پارك سالۋ، سونداي-اق، IT-يندۋستريا سالاسىنداعى جوبالار: ەلەكتروندىق تولەمدەر مەن پروتسەسسينگتىك قىزمەتتەردى ۇيىمداستىرۋ، ءۇش كومپونەنتتى ينتەگراتسيالانعان جۇيەنى قۇرۋ جانە ت. ب. بار. بەرىلگەن قارىزداردىڭ ەڭ كوپ سانى جەڭىل ونەركاسىپ جوبالارىنا – 6 جوبا، جيھاز ونەركاسىبى – 5 جوبا، دەنساۋلىق ساقتاۋ – 4 جوبا، ءبىلىم بەرۋ جانە سپورت – 2 جوبا. وسى سالالارداعى جوبالاردى ىسكە اسىرۋ ءۇشىن بەرىلگەن قارىزدار سوماسى شامامەن 6 ملرد تەڭگەنى قۇرايدى.

ەستەرىڭىزگە سالا كەتەيىك، «Almaty Finance» كومپانياسى «Almaty Business-2025» كاسىپكەرلىكتى دامىتۋدىڭ وڭىرلىك باعدارلاماسى اياسىندا 2019 جىلى قۇرىلعان بولاتىن. كومپانيا تەك الماتى قالاسىندا تىركەلگەن ءىسىن جاڭا باستاعان جانە جۇمىس ىستەپ تۇرعان بيزنەستى قارجىلاندىرادى. نەسيەلەۋ جىلدىق 2% – بەن تەڭگەمەن بەرىلەدى – ونەركاسىپتىك پاركتە بيزنەستى ىسكە اسىراتىندار ءۇشىن ماكسيمالدى قارىز سوماسى 70 ملن تەڭگە; جانە 6% - بيزنەستىڭ قالعان باعىتتارى ءۇشىن 500 ملن تەڭگەگە دەيىنگى نەسيەلەۋ ليميتىمەن. نەسيە بەرۋ مەرزىمى – جەتى جىلعا دەيىن، نىسانالى ماقساتى – اينالىم قاراجاتىن تولىقتىرۋ جانە ينۆەستيتسيالىق ماقساتتار.

«Almaty Business-2025» كاسىپكەرلىكتى دامىتۋدىڭ وڭىرلىك باعدارلاماسى بيزنەستى جۇرگىزۋ ءۇشىن قولايلى جاعدايلار جاساۋعا، قارجىلاندىرۋدىڭ قولجەتىمدىلىگىن ارتتىرۋعا، اكىمشىلىك كەدەرگىلەردى ازايتۋعا، شوب ينفراقۇرىلىمىن دامىتۋعا، وقىتۋعا، كاسىپكەرلەردى قولداۋعا جانە ينۆەستورلاردى تارتۋعا باعىتتالعان. باعدارلاما اياسىندا «Qoldaý» كاسىپكەرلىك ورتالىعى، «Almaty Finance» جانە «Almaty» ميكروقارجى ۇيىمى قۇرىلدى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار